Números 22:35 - Biblia Mixe de Quetzaltepec

³⁵ Tä ja Wintsën ja kyukäjpxy y'ëtsooy: Oy xypyanëjkxëty tääpë ja'ayëty, e yi'iyë tëy mnikajpxëp mëti'ipë ntuk'ënëëmëjäämpyën. Balaam ojts tpanëjkxy ja mëjja'aytyëjkëty, mëti'ipë ënäty ja Balac të tkexyën.

Números 22:35 ပူးပေါင်းရင်းမြစ်များ

Salmos 81:12

Paatyës të ntimy'ëxmatsy, wä'än t'ixtë tii tyuuntëp, ets jëtu'un të jyuuky'atë ijxtëm yë'ëjëty t'oyjyawëtën.

Números 22:36

Ko ja Balac tnija'awëy ko tää ja Balaam wyinkony, ënät ojts tnitsoony. Ets tjëjpye'eyë'ëka'any, jam ma tu'uk ja kajpnën mëti'ipë yajpatpën Moab naaxjoty. Winkon ma ja mëjnëë jyënäkyën mëti'ipë xyëëwajtypyën Arnón, ma ja tsëpa'an nyäxyën.

2 Crónicas 18:13

Tä ja Micaías y'ëtsooy: Tyam yajxon n'ënëëmëty ets mëët ja Wintsën ja xyëëw, ko yi'iyës yam nikajpxäämpy mëti'ipës yë Wintsën xytyuk'ënä'ämpën nikajpxëty.

Josue 24:10

E ëjts ka'apës ojts n'ëwa'atsy ets ja Balaam mpokëtëty, ni'ikyë ojts mkënu'kxëtë, jä'ä ko jëtu'unës n'ënëmaay. Jëtu'un'äämpy miitsëty mtsoktë.

Proverbios 28:18

Yë ja'ay mëti'ipë oy winë tyuunpyën, nëjkxëp yajmo'oy ja nitsokën; e mëti'ipë ëxëëk ja jyot wyinma'any, jam kya'aja'any ëyo'ontum.