Números 22:32 - Biblia Mixe de Quetzaltepec

³² Tä ja Wintsën ja kyukäjpxy y'ënëmaayë: ¿Tii ko mjëyujk të xywyopy tëkëëk'ok? Ëjts mijts ntu'u'ëtujkpy, jä'ä ko ma mnëjkxyën, ëjts ka'apës n'oyjyawë.

Números 22:32 ပူးပေါင်းရင်းမြစ်များ

Hechos 13:10

ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

Proverbios 28:18

Yë ja'ay mëti'ipë oy winë tyuunpyën, nëjkxëp yajmo'oy ja nitsokën; e mëti'ipë ëxëëk ja jyot wyinma'any, jam kya'aja'any ëyo'ontum.

Números 22:22

Balaam yë'ë tyuk'ënyääpy ja kyërukts ets nimäjtsk ja tyuunpë pyanëjkxyë. Ja Tios wiink tja'awëy ko ja Balaam kë'ëmwinma'any tsyo'ony. Paaty ojts tu'uk ja Wintsën kyukäjpxy tyu'u'ëtukyë ma ënäty nyaxa'anyën.

Proverbios 28:6

Nikë oy'ajtp ni'ik ko ja'ay y'ëyoy ets oyjya'awëyëp oypyënëty, ets këtii ko ja'ay kyumeenyëty ets ëxëëk jyä'äy'äty.

Proverbios 14:2

Mëti'ipë ja'ay oy winë tyuunpyën wyinkutsë'këp yë Tios; e mëti'ipë tëkatsy winë tyuunpyën, jëkäm jëxkë'ëm Tios tpëjktä'äky.

Miqueas 6:5

Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Jonás 4:11

E pën jëtu'unts, nän oy, je'eyëp ko yë'ë mja'akyukëp ko jëtu'un ijxtëm tääpë tsi'iw'aats xypya'ëyoyën ko të tsyi'itsy, näjyëtu'unës yë Nínive kajpn mpa'ëyoy. Ma tääpë kajpnën naxy jam mëko'px ja i'px yë pi'k ëna'k mëti'ipë ka'ap tii poky tmëëtëtyën ets näjyëtu'un yë aayjëyujk ujtsjëyujk.

Salmos 147:9

yë'ë yajë'kxyp yajpëjkpy yë jëyujk tsajpkaa, näjyëtu'un ko wëëky yë y'u'unk tyajpi'k'aty ets ko ya'axtë nyä'ämtë.

Salmos 145:9

Yë Wintsën aak y'oyjya'awëtyääpy wä'än tpënëty, mëët oyjyot oywyinma'any tkëwent'aty mëti'ipë të tyajkojyën.

Salmos 36:6

Yë mtëyajtën jëtu'un yë'ë ijxtëm mëj kopkën; yë m'aaw m'ayuk jëtu'un yë'ë tä këk mejyën. Wintsën, mijts mkëwent'ajtyp yë naaxwiinyëtë ja'ay ets jëyujk tsajpkaa.

Deuteronomio 25:4

Këtii yë tsajpkaa xytyuk'ajäänë'ëktëty yë xuumy, ko ënäty jam xyajpajk'aty ja tsajpmok.

Deuteronomio 23:4

Jä'ä ko jam mnajxtë ma nyaaxjotëtyën, ko jap mtso'ontë Egiptë, ni tu'ktsunyën wäänë ojts mkamo'ojëtë nëë ets nitu'ktukyën yë kääky ëkë tojkx. Ni'ikyë yë Balaam tmeenymyooytyë, yë Beor yë myaank, mëti'ipë jam tso'onën Petor, ma ja Mesopotamia naaxwiinyëtën ets jeexyë mpojkëtë.

Números 22:35

Tä ja Wintsën ja kyukäjpxy y'ëtsooy: Oy xypyanëjkxëty tääpë ja'ayëty, e yi'iyë tëy mnikajpxëp mëti'ipë ntuk'ënëëmëjäämpyën. Balaam ojts tpanëjkxy ja mëjja'aytyëjkëty, mëti'ipë ënäty ja Balac të tkexyën.

Números 22:28

Ënät ja Wintsën ojts tuknipëjktaakë ets ja krukts kyajpxëty ets t'ënëmaay ja Balaam: ¿Maa të nmëtëkoy? tyam mëtëkëëk'ok xywyopyës.

Números 22:20

Yë Balaam tap ënäty myaanë, ko ojts yë Wintsën koots nyänyikëxë'ëkyë ma yë'ëjën ets y'ënëmaayë: Pën tääpë ja'ayëty mijts të mniminyë, pëtë'ëk ets panëjkx. Jä'ä tëy, mijts yi'iyë mtunëp mëti'ipë ënäty ntuk'ënëmääpyën xytyunëty.

Números 22:33

Yë mkrukts tëkëëk'okës të xy'ixy, paaty të y'ëwa'ktu'uty. Kooxyëp yë'ë të kya'ëwa'ktu'uty, wä'änxyëp jeexyë mijts të nyaj'ooky ets mjëyujk juuky të wyi'imy.

Proverbios 16:2

Yë ja'ay jëtu'un nyäjyawëty aak'oy winë tuny, Tios yë'ë y'ijxtääpy wi'ixjaty ja'ay tii tunyën.