Números 22:31 - Biblia Mixe de Quetzaltepec

³¹ Tä ja Wintsën tyajkutujky ets ja Balaam t'ixëty ja Wintsën ja tsyajpjotmëtë kukäjpxy, mëti'ipë ënäty jam tënääpyën tu'ujoty, mëët tu'uk yë tëypyujxn kyë'ëjotm. Tä ja Balaam pojën nyäkyoxtënaaytyakë ets nyaaxkooy.

Números 22:31 ပူးပေါင်းရင်းမြစ်များ

Génesis 21:19

Ënät yë Tios ojts yë Agar ënätyë tuk'ixy tu'uk yë nëë'awookë jam pyë'am, tä yë Agar ojts jatëkok ja nëë apëjkën tyaj'utsy ets ojts tyajnëë'uuky ja y'u'unk Ismael.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Lucas 24:31

Ënät t'ijxwatstë ets t'ixkajptë ko jyä'äjëty ja Jesús; e ja Jesús ënätyë jëtu'unyë tyëkooy.

Lucas 24:16

Tios ënäty të tyajkutuky ets ka'ap ja Jesús t'ijxkaptëty.

Juan 18:6

Ko ja Jesús jëtu'un y'ënëmaayëtë: Ëjts jëtu'un ënätyë ojts y'ixtëkëye'eytyë ets kyëtaktaaytyë naaxkëjxy.

Salmos 9:20

Wintsën, ëtsë'ëkë tääpë ja'ayëty; tuknijawë ko ka'ap tii tkëjxm'atë, naaxwiinyëtë ja'ay yë je'eyëty.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënäty nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

Números 24:16

mëti'ipë tu'ukyë yë jyot wyinma'any pyëjktäkpyën ma Tiosën, mëti'ipë wa'ats winë nyija'apën tä yë Tiosën Ni'ik Këjxmëpë, mëti'ipë y'ëxajëpën ja aaw ayuk ets yajxon timy'ixy wi'ix winë tyuna'any jyata'anyën, mëti'ipë Tios tuk'ijxëpën mëti'ipë maaytyääyëpën winë.

Números 24:4

Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

Éxodo 34:8

Ënät ja Moisés poj'am nyäjyijtakë ets wyintäky nyaaxkooy ets ojts t'ëwtaty ja Tios,

Números 22:30

Ënät ja jëyujk y'ëtsooy: Mapaat mijts mjuuky'ätyën ëjtsës xëmë xytyuk'ënyääpy ets ka'apës jëtu'un n'ëtë'ëtsy, ka'apës nyajkëxë'ëky ja näymyëjkaxëjot ma mijtsën.

Josue 5:13

Tëkok ojts jyäty kyëpety, jam ënäty yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

Josue 5:14

Ënät ja ja'ay y'ëtsooy: Ka pënës nkaputëkëja'any. Ëjts Tiosës xykyäjxjëtijtp, yë'ëjës niwintsën'ajty yë kyukäjpxytyëjkëty. Paaty ojts yë Josué ënätyë nyäkyoxtënaaytyä'äkyë ets tyajtëëy: ¿Tii yë Wintsën mtukmëkäjxëyëp maas ëjtsën?