Números 22:3 - Biblia Mixe de Quetzaltepec

³ Ënät ja ja'ayëty ojts ja tsë'ëkë tyuktëjkëtya'ajëtë, mëti'ipë jam kukajpnajtëpën Moab, ko t'ijxtë, ko ja Israel ja'ayëty nimay oyëty.

Números 22:3 ပူးပေါင်းရင်းမြစ်များ

Éxodo 15:15

Ja wintsëntëjkëty mëti'ipë jam yajpatëpën Edom, jëtu'unyë wyë'ëmta'aja'antë xejytyuky. Näyjyëtu'un ja kopktëjkëty jampë Moab y'itën, näjyëtu'un nëjkx tsyëtyuuypyëjkta'atë mëët ja tsë'ëkë ets ja Canaán ja'ayëty nëjkxëp ja jyotmëk'ajtën tyëkooytya'atë.

Isaías 23:5

Ko ënäty ja Egiptë ja'ayëty tnijawëtë wi'ix ja Tirë kajpn jyajnën kyëpäjnën, nëjkxëp tmëkjawëtë,

Salmos 53:5

Oy ënäty ka'ap ma tii mëti'ipë oytsyë'kënyën, yë'ëjëty nëjkxëp tsyë'ëkëtë; Tios jëtu'unyë tyajtsëtyuuypyëka'any yë mëtsiptëjk. Ka'ap nëjkx wyinma'anypyaatë, jä'ä ko Tios yë'ë ënäty ka'ap y'ëktsojkënëtë.

Josue 9:24

Ënät t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënäty ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Tios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

Josue 2:24

Y'ënantë: tääpë it naaxwiinyëtë tëë Wintsën xymyo'oyëmë. Yë ja'ayëty jampë tsyëënëtën tëë tsë'ëkë tyuktëjkëtya'ajëtë mëët ëëts'ajtëmë.

Deuteronomio 2:25

Ëjts yam jëtu'un ntuknipëjktakëp ets tëkokyë yë naax kajpn mtsë'ëkëtëty. Ko tmëtoy'atëty mwinkontë, jëtu'un tsyëyuuypyëjkta'atëty ets ka'ap jyotkujk'atëty mëët ja tsë'ëkë.

Nehemías 13:2

Jä'ä ko yë'ëjëty ka'ap ojts tjëjpye'eytsyowtë yë Israel ja'ayëty mëët ja ka'ayën ukën ets ja jë'kxy pëky, nikyënëm ojts tmëjuytyë ja Balaam ets tpokëty, je'eyëp ko tääpë ja pojkën kënu'kxën ja ojts wyimpity.

Éxodo 1:12

E mëk jyayajtuunëtë yë'ëjëty je'eyëm ojts nyimayëtë'ëtstë. Paatykyëjxm ojts ja Egiptë ja'ayëty ja tsë'ëkë tyuktëkëtë.

Éxodo 23:27

Ëjts nyajkutukëp ets oypyënëty nëjkx mtsë'ëkëty mjawëty, oy ënäty maanaax maakajpn mtimnyäxy, yë mëtsiptëjk jëtu'unyë mkukä'äk mkuputëtëty.