Números 22:29 - Biblia Mixe de Quetzaltepec

²⁹ Je'eyës mijts xynyëxi'iky xytyukxi'iky ¿këtiijë? jëtu'un ja Balaam y'ëtsooy. Kooxyëp yë tsujkn jeexyë nmëëtëtyës timtyämyë jeexyë nyaj'ooky.

Números 22:29 ပူးပေါင်းရင်းမြစ်များ

Proverbios 12:10

Yë wa'ats ja'ay wyinja'ap ko jëyujk jya'ap winë, yë ëxëëk ja'ay ka'ap tnijawë tii yajtijp näpya'ëyowë.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Proverbios 12:16

Yë tsuuja'ay pojën tyajnikëxë'ëky ko jyoot'anpëky; e yë këpetyjyä'äy jëtu'un tyajnaxy tä pyojyën ko pën yajjoot'anpëkyë.

Números 22:30

Ënät ja jëyujk y'ëtsooy: Mapaat mijts mjuuky'ätyën ëjtsës xëmë xytyuk'ënyääpy ets ka'apës jëtu'un n'ëtë'ëtsy, ka'apës nyajkëxë'ëky ja näymyëjkaxëjot ma mijtsën.

Génesis 30:34

Tä Labán y'ëtsooy: Oy jyëtu'un'atëty tä m'ëna'anyën.