Números 22:26 - Biblia Mixe de Quetzaltepec

²⁶ E ja Wintsën ja kyukäjpxy jëjp'am nyäjxy, ënät ja tu'u t'ëwa'ktujky ma y'axu'utsëtyën, nimaa tkajëkyepy ets ja jëyujk y'ëwa'ktu'utëty.

Números 22:26 ပူးပေါင်းရင်းမြစ်များ

Oseas 2:6

Paatyës nyaj'ayoontuka'any mëët yë äpny yë nyë'ë tyu'u etsës nyajnayonëja'any mëët ja aay ujts, këtiipë tyu'upaatëty.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënäty t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Números 22:25

Ko ja jëyujk t'ijxy ja Wintsën ja kyukäjpxy, ënät wya'ak'o'oyëy ets jam nyäkyëxmëtakë ma tu'uk ja tsaawääpy nyäxyën ets ja Balaam ja tyeky ojts yajtukëtakpety. Tä ja Balaam ja jyëyujk tniwa'këy yajxon tjantywyopy.

Números 22:27

E ko ja jëyujk t'ijxy ja Wintsën ja kyukäjpxy, ënät je'eyë tyimnäkyo'kë. Ënät ja Balaam ja jyëyujk yajxon twojpnë mëët tu'uk yë kepy.