Números 22:23 - Biblia Mixe de Quetzaltepec

²³ Ko ja jëyujk t'ijxy ja Wintsën kyukäjpxy jam tu'u itkujky mëët tu'uk yë tëypyujxn. Ënät ojts t'ëwa'ktu'uty ets äämjyoty kyupëyë'këy. Ënät ja Balaam yajxon ja jyëyujk tukju'pxëy ets atsip tyajwinpita'any.

Números 22:23 ပူးပေါင်းရင်းမြစ်များ

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

2 Pedro 2:16

E Tios yajkajpx ja Balaam ja kyërukts to'oxy ijxtëm tu'uk ja ja'ayën, ënät ojts y'oyë ko jëtu'un y'ëti'itsy.

Hechos 22:9

Y'ijxtë ja nmëku'uktëjkës ja ajajk atë'kxk, je'eyëp ko kä'äp tja'akyujkëtyë wi'ixës nyajnëmaayën.

Daniel 10:7

Ëjtsyë nätyu'uk të n'ixy jëtu'unpë ja wiinkuma'ajën, jä'ä ko ja ja'ayëty mëti'ipë ënäty jam mëët nyajpaatyënës ënätyë të kyäkta'atë ets nyäyu'tsta'ajëtë.

Jeremias 8:7

Yë'ëpaat yë wojny wa'ats nijawë jëna'a kyääkjëtitëtyën. Yë kuuk, yë yo'ktuk joon ets pix nyija'awëtyëp jëna'a muum nyëjkxtëtyën. E mijts naax kajpn mëti'ipës nnaax'ajtyp nkajpn'ajtypyën, ka'ap xynyijawëtë ja n'ënä'äm ntëyajtënës.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënäty nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

2 Reyes 6:17

Tä ja Elisejë tyëjkëy nu'kxtakpë, y'ënäny: tyam nmëpëjktsoy Wintsën ets xyaj'ëwatsëty yë wyiin wä'än kë'ëm t'ixy. Ënät ja Wintsën ojts tjanty yaj'ëwatsë ja wyiin mëti'ipë ja Elisejë tyuunpë'ajtypyën ets t'ijxy ko yajxontëm jam janty may yë tsiptuunpë kopkkëjxm, tam mëti'ipë pujxn wintëkäämpë këjxyën, tam mëti'ipë këwaaykyijxyën ets tam mëti'ipë teky'amën ets aak jëënmëët, jä'ä kyëwent'ajtëp ja Elisejë.

Números 22:22

Balaam yë'ë tyuk'ënyääpy ja kyërukts ets nimäjtsk ja tyuunpë pyanëjkxyë. Ja Tios wiink tja'awëy ko ja Balaam kë'ëmwinma'any tsyo'ony. Paaty ojts tu'uk ja Wintsën kyukäjpxy tyu'u'ëtukyë ma ënäty nyaxa'anyën.

Números 22:24

Ja Balaam jam ojts yë jyëyujk tyajnëjkxy ma tu'uk yë tu'ujën xu'utspë ets mäjtskpa'ajëty tsaawääpy jää najxp. Jam ojts ja Wintsën kyukäjpxy ja tu'u t'ëwa'ktujkojnëpë.

Josue 5:13

Tëkok ojts jyäty kyëpety, jam ënäty yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?