Números 22:22 - Biblia Mixe de Quetzaltepec

²² Balaam yë'ë tyuk'ënyääpy ja kyërukts ets nimäjtsk ja tyuunpë pyanëjkxyë. Ja Tios wiink tja'awëy ko ja Balaam kë'ëmwinma'any tsyo'ony. Paaty ojts tu'uk ja Wintsën kyukäjpxy tyu'u'ëtukyë ma ënäty nyaxa'anyën.

Números 22:22 ပူးပေါင်းရင်းမြစ်များ

Números 22:32

Tä ja Wintsën ja kyukäjpxy y'ënëmaayë: ¿Tii ko mjëyujk të xywyopy tëkëëk'ok? Ëjts mijts ntu'u'ëtujkpy, jä'ä ko ma mnëjkxyën, ëjts ka'apës n'oyjyawë.

Éxodo 4:24

Jam ma ja Moisés ënäty tyajnaxa'anyën ja tsuu mëët yë y'u'unk y'ëna'k, ënät yë Tios nyipëtsëëmë ets ojts jyayaj'oka'anyë.

Lamentaciones 2:4

Yë Wintsën jëtu'un tä tu'uk yë mëtsipën, të two'ontë yë tyi'pxn, mëk yë kyë'ë të tpëjktä'äky; jëtu'un tä mëtsipën jëtu'un të tyajkutëkooytyä'äy mëti'ipëjaty ënäty y'oy'ijxypyën; tä jëënën të tyajnaxy yë tsyip y'äkë ma Sión kajpn tyaj'ityën yë tsyiptuunpëtëjk.

Oseas 1:4

Ënät yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

2 Reyes 10:20

ënät tnipëjktakëy tu'uk ja mëj xëëw ets ja Baal yajnixëëwtunëty.

Números 22:35

Tä ja Wintsën ja kyukäjpxy y'ëtsooy: Oy xypyanëjkxëty tääpë ja'ayëty, e yi'iyë tëy mnikajpxëp mëti'ipë ntuk'ënëëmëjäämpyën. Balaam ojts tpanëjkxy ja mëjja'aytyëjkëty, mëti'ipë ënäty ja Balac të tkexyën.

Éxodo 23:20

Ëk'ix, ntuknikäxäämpy tu'uk yë nkukexyës, mëti'ipë m'ijx'it mkëwent'atëtëpën ma në'ë tu'ujën ets myajja'tëtëty jam ma ja itjotmën, mëti'ipë të ntuknipëjkë'ëkën.

Números 22:23

Ko ja jëyujk t'ijxy ja Wintsën kyukäjpxy jam tu'u itkujky mëët tu'uk yë tëypyujxn. Ënät ojts t'ëwa'ktu'uty ets äämjyoty kyupëyë'këy. Ënät ja Balaam yajxon ja jyëyujk tukju'pxëy ets atsip tyajwinpita'any.