Números 22:20 - Biblia Mixe de Quetzaltepec

²⁰ Yë Balaam tap ënäty myaanë, ko ojts yë Wintsën koots nyänyikëxë'ëkyë ma yë'ëjën ets y'ënëmaayë: Pën tääpë ja'ayëty mijts të mniminyë, pëtë'ëk ets panëjkx. Jä'ä tëy, mijts yi'iyë mtunëp mëti'ipë ënäty ntuk'ënëmääpyën xytyunëty.

Números 22:20 ပူးပေါင်းရင်းမြစ်များ

Números 24:13

oy jeexyë xyjyatimmyooytyääpyës yë pu'ts pujxn ets poop pujxn mëti'ipë jap ma mkutujktaknën. Ëjts ka'apës njëkyepy yë Wintsën nkäjpxykyutëjëty ets nitii tkajëkyepy ntunëtyës, oy ka'oy kë'ëmwinma'any. Yi'iyës nikäjpxyp mëti'ipës Tios xytyuk'ënä'ämpën.

Números 23:26

Tä ja Balaam ojts y'ëtsoy: ¿Tii këtii xyjyä'ämetsyë, ko të n'ënëëmë, ëjts yi'iyës ntuunpy mëti'ipës Tios xytyuk'ënä'ämpën?

Números 23:12

Ënät ja Balaam y'ëtsooy: Ëëts'ajtëm tyaa të näy'ëna'anëmë, ko yi'iyës nikajpxëp mëti'ipës yë Wintsën xytyuk'ëwa'anëpën.

Números 22:35

Tä ja Wintsën ja kyukäjpxy y'ëtsooy: Oy xypyanëjkxëty tääpë ja'ayëty, e yi'iyë tëy mnikajpxëp mëti'ipë ntuk'ënëëmëjäämpyën. Balaam ojts tpanëjkxy ja mëjja'aytyëjkëty, mëti'ipë ënäty ja Balac të tkexyën.

Oseas 13:11

Ko nmooy ja mkutujkpëtëjk, a'äkë ojts nmo'oy ets a'äkë ojts jatëkok npëjkë.

Isaías 37:29

Tëës nijawë ja mjoot'an ets mmëj'ajt mkëjxm'ajtën, jëtu'un yam npëjkta'aka'anyës mjëjp tunkëjxm tä jeexyë pujxn jam nkëxjëëpyënës, tä jeexyë pujxn ntuk'atijën ets yë'ë ntukwo'onwinpita'anyë ma të mtsoonyën.

Salmos 81:12

Paatyës të ntimy'ëxmatsy, wä'än t'ixtë tii tyuuntëp, ets jëtu'un të jyuuky'atë ijxtëm yë'ëjëty t'oyjyawëtën.

Números 23:16

Ënät yë Tios ojts nyänyikëxë'ëkyë ma Balaamën ets tyuk'ëwa'anëyë tii mëpaat tkäjpxyën. Ojts t'ënëëmë: Nëjkx jam ma Balac yajpaatyën ets xytyukmëmëtya'akëty mëti'ipë yam të ntuk'ëwaanën.

Números 23:5

Ënät ja Wintsën tuk'ëwa'anëtyääy ja Balaam tii mëpaat tkäjpxyën ets t'ënëmaay: Wimpit ma jam yajpaatyën yë Balac ets xytyuk'ëwaanëty tä yam të n'ënëëmën.

Números 22:19

Oy mwë'ëmtëty yaa tu'ktsuu etsës n'ëknijawëty wi'ix yë Wintsën y'ënä'äny ya'atë tsu'um.

Números 24:4

Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

Jeremias 1:7

E yë Wintsën tääjës xy'ënëmaay: Këtii jëtu'un m'ëna'any ko m'ëna'knëmëty. Mijts jam mnëjkxëty ma nkäxa'anyën, yë'ë mkajpxnaxëp mëti'ipë yam ntuk'ënëëmëjäämpyën.