Números 22:19 - Biblia Mixe de Quetzaltepec

¹⁹ Oy mwë'ëmtëty yaa tu'ktsuu etsës n'ëknijawëty wi'ix yë Wintsën y'ënä'äny ya'atë tsu'um.

Números 22:19 ပူးပေါင်းရင်းမြစ်များ

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënäty mtukmëmëtya'akëtë ja kyë'ëm ayuk kyë'ëm winma'any. E tëë ja Tios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Tios tyuknipëjktaakëtë ets ja mëj ëyo'on tpaatëty.

Números 22:18

Ënät ja Balaam y'ëtsoowëtë: Oyxyëpës yë Balac xyjyatimmyooytyääpyë yë pu'ts pujxn ëkë poop pujxn mëti'ipë japën ma kyutujktaknën, ëjts ka'apës njëkyepy tii ntunëty kë'ëmwinma'any mëj'äämpyë ëkë yiinpë wäänpë, pën yë Wintsën mëti'ipës nTios'ajtypyën ka'ap t'a'ixë.

Números 22:20

Yë Balaam tap ënäty myaanë, ko ojts yë Wintsën koots nyänyikëxë'ëkyë ma yë'ëjën ets y'ënëmaayë: Pën tääpë ja'ayëty mijts të mniminyë, pëtë'ëk ets panëjkx. Jä'ä tëy, mijts yi'iyë mtunëp mëti'ipë ënäty ntuk'ënëmääpyën xytyunëty.