Números 22:18 - Biblia Mixe de Quetzaltepec

¹⁸ Ënät ja Balaam y'ëtsoowëtë: Oyxyëpës yë Balac xyjyatimmyooytyääpyë yë pu'ts pujxn ëkë poop pujxn mëti'ipë japën ma kyutujktaknën, ëjts ka'apës njëkyepy tii ntunëty kë'ëmwinma'any mëj'äämpyë ëkë yiinpë wäänpë, pën yë Wintsën mëti'ipës nTios'ajtypyën ka'ap t'a'ixë.

Números 22:18 ပူးပေါင်းရင်းမြစ်များ

Números 24:13

oy jeexyë xyjyatimmyooytyääpyës yë pu'ts pujxn ets poop pujxn mëti'ipë jap ma mkutujktaknën. Ëjts ka'apës njëkyepy yë Wintsën nkäjpxykyutëjëty ets nitii tkajëkyepy ntunëtyës, oy ka'oy kë'ëmwinma'any. Yi'iyës nikäjpxyp mëti'ipës Tios xytyuk'ënä'ämpën.

2 Crónicas 18:13

Tä ja Micaías y'ëtsooy: Tyam yajxon n'ënëëmëty ets mëët ja Wintsën ja xyëëw, ko yi'iyës yam nikajpxäämpy mëti'ipës yë Wintsën xytyuk'ënä'ämpën nikajpxëty.

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.

Números 23:26

Tä ja Balaam ojts y'ëtsoy: ¿Tii këtii xyjyä'ämetsyë, ko të n'ënëëmë, ëjts yi'iyës ntuunpy mëti'ipës Tios xytyuk'ënä'ämpën?

Números 22:38

Ënät ja Balaam ojts y'ëtsoy: Tyaajës të nminy, mijts nimiimpy. Yë'ë ntuk'ëwaanëjäämpy koos ka'apës njëkyepy tii kë'ëmwinma'any nkajpxëty. Yi'iyë nkajpxäämpyës mëti'ipës yë Tios të xytyuk'ëne'emyën.

Tito 1:16

Jëtu'un y'ëna'antë ko Tios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Hechos 8:20

Tääts ja Pedro y'ëtsoowë: Poky mijts m'itëty mëët yë mmeeny ëyoowtaknjoty, jä'ä ko xywyinmay xyjyuyä'äny mëti'ipë ja Tios nyayäjkpyën.

Daniel 5:17

Ënät ja Daniel t'ëtsooy ja yajkutujkpë: Ëk'ix mijts yajkutujkpë, mëwë'ëm tääpë xynyamo'oja'anyënës, mo'o wiinkpë ja'ay mëti'ipë tunëpën ma mkutujktaknën. Ëjts tyamës n'ëna'any ko ntukmëmëtya'aka'any wi'ix nyiwijyën mëti'ipë jam potsywinm ijtpën këxja'ay.

Números 22:19

Oy mwë'ëmtëty yaa tu'ktsuu etsës n'ëknijawëty wi'ix yë Wintsën y'ënä'äny ya'atë tsu'um.

Números 24:12

Ets ja Balaam y'ëtsooy: Tëës jëtu'un n'ënëëmëtë yë mkäjpxynyajxpëty,

1 Reyes 13:8

E ja Wintsën ja myëtuunpë tyaa t'ëtsooy ja yajkutujkpë: Oyxyëp jeexyë kujkwä'kxy xyjyamooypyës yë mkutujktakn, ëjts, ka'apës yam mijts mpanëjkxëty ets ka'apës yam nkayëty ma mjëën mtëjkën ets ni nëës nka'uukëty ma ya'atë itjotmën;

Números 22:8

Tä ja Balaam y'ënëmaayëtë: Kwanë ënät mwë'ëmtëty, jä'ä ko jëyëjpës yë Wintsën yam n'ëkyajtëwëty ets miits n'ëtsoowinpitëty jopy. Jëtu'un'äämpy ja mëjja'aytyëjkëty ojts jyänty wyë'ëmtë tu'ktsuu.

Josue 24:10

E ëjts ka'apës ojts n'ëwa'atsy ets ja Balaam mpokëtëty, ni'ikyë ojts mkënu'kxëtë, jä'ä ko jëtu'unës n'ënëmaay. Jëtu'un'äämpy miitsëty mtsoktë.

Job 3:15

ëkë mëët yë ënä'ämpëtëjk mëti'ipë yaj'ujtstën yë kyëmoontëjk mëët yë pu'ts pujxn ets poop pujxn.