Números 21:9 - Biblia Mixe de Quetzaltepec

⁹ Ojts ja Moisés tu'uk ja tsuxkpujxntsa'any tjantyajkojy ets tkëxpëjky ma tu'uk yë kepyjyëjpën; e jëtu'un ko ijty pën tsyu'utsyë ja tsa'any, jam ënätyë kyëx'ixy ma ja pujxntsa'anyën ets tsyo'oky.

Números 21:9 ပူးပေါင်းရင်းမြစ်များ

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënäty tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënäty ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

Isaías 45:22

Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënät nëjkx t'ijxpaatë ja mëti'ipë ënäty të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Tios wyintsë'kën mëti'ipë ja naaxwiinyëtë ja'ay yajpokywyätsëpën.

Juan 12:32

E koos naaxkëjxy ntsoonëty etsës npa'tëkëja'any tsajpjotm, nyajnëjkxta'ajäämpyës ja ja'ay ma ëjtsën.

Juan 6:40

Ja nTeetyës tsyojkpy ets tpaatëty ja juukyajtën mëti'ipë ja Tios ja y'u'unk y'ijxtëpën ets myëpëjktëpën, jëtu'un tmëët'atëty ja juukyajtën xëmëkyëjxmëpë; ets oy ënäty të y'ooktë nyajjuukpyëkëpës ma ënäty xëëw jëmëjt kyixyën.

Romanos 1:17

Ya'atë aaw ayuk oypyë yë'ë xytyukni''ijxëmë wi'ix ja Tios ja npoky'ajtëm xytyukniwatsmëtyën: mëët ja mëpëjkën tsyo'ontä'äky ets jëtu'un jyëjpkëxy. Jëtu'un ijxtëm ja Tios ja y'aaw y'ayuk këxja'ay myinyën: Ja wa'ats ja'ay mëpëjkën mëët jyuuky'ata'any.

Romanos 8:3

Tëë ja Tios tuny mëti'ipë ja ënä'ämën ka'ap myääyën tunëty, jä'ä ko ënäty ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Tios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënäty ko ok y'ita'any ja xoontakën; tëë nyaaxweetsy aka'any'äämpy ma ja Tios ja kyutujktaknën.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Tios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.