Números 21:7 - Biblia Mixe de Quetzaltepec

⁷ Tä ja Moisés ojts ënätyë tninëjkxtë ets t'ënëmaaytyë: Poky ëëts të ntuntë, ko yë Tios ets mijts wiinkjaty myajnikäjpxy myajnimëtya'aktë. Paaty ënëëmë Tios wä'än tyajjëwä'äky yë tsa'any. Ënät yë Moisés ojts tmënu'kxtä'äky yë Tios ets tpokmyä'kxëty yë Israel ja'ayëty.

Números 21:7 ပူးပေါင်းရင်းမြစ်များ

Hechos 8:24

Tääts ja Simón y'ëtsooy: Tuknija'amyäjtsëtëkës ja Wintsën etsës ka'ap jëtu'un njatëty ijxtëm mijts të m'ëna'antën.

Salmos 78:34

Koonëm ijty ja Tios yaj'ookëtë täänëm ja pyutëjkën t'ixtaayëtë; ënätnëm ijty jyootwinpitë ets ka'ap pyo'kxtë ko t'ixta'atë;

Números 11:2

Ets ja ja'ayëty mëktä'äky t'amëtoowtë ja putëjkën ma ja Moisésën ets ja Moisés ojts ja Tios tmëkäjpxy, mëët yë'ëjëty täänëm ja jëën ojts pyi'itsy.

Éxodo 8:8

Ënät ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

1 Reyes 13:6

Ënät ja yajkutujkpë ojts ënätyë yë käjpxynyajxpë tninëjkxy ets t'ënëmaay: Tun yë mëyajtën, mëpëjktsow yë mWintsën wä'änës yë nkë'ë xyajtsokë. Tä ja käjpxynyajxpë ojts ja Wyintsën tmënu'kxtä'äky ets ja yajkutujkpë ojts ja kyë'ë tsyo'oky, je'eyëm tä ënäty të y'oy'ätyën.

Éxodo 8:28

Tä ja yajkutujkpë ojts y'ëtsoy: Tyam n'ëxmatstëty ma xy'antijyën mnëjkxa'antë, ko m'ëna'antë ko jam mnëjkxa'antë të'ëts'itum ets nëjkx xymyo'oja'antë ja wyintsë'kën ja Wintsën mëti'ipë mTiosajtëpën, mëti'ipë tëy këtii nëkooyë jëkäm mtimnyëjkxtëty. Ets mënu'kxta'aktë yë mTiosëty mëët ëjts.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Tios winpity atëjy ets mtso'oktëty. Tuunp ni'ik ko ja oyjyä'äy Tios tja'amyetsy.

Romanos 10:1

Mëku'uktëjkëty, ëjts xëmës ja Tios ntuknija'amyätsëtë yë Israel ja'ayëty ets ja'ënaanpës jeexyë ja nitsokën tpaatë.

Mateo 27:4

ets t'ënëmaay: Tëës ntuuntëkoy koos të nkë'ëyäky ja ja'ay ka'apë tii poky tmëëtëtyën. Ets yaj'ëtsooy: Tiijës yë nkëwent'atë? Mkë'ëmwinma'any yë'ë.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënäty jë'ë ya'ax yajpaatën, jamës nëjkx xy'ixta'atë.

Jeremias 37:3

Ojts yë Sedequías tkexy yë Jucal, yë Selemías yë myaank ets ja teety Sofonías, yë Maaseías yë myaank ets nëjkx t'ixtë ja Jeremías ets t'ënëëmëtëty: Kukajpxtaktëkës ma Wintsënën mëti'ipës nTios'ajtëpën.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Salmos 106:23

Ojts yë Tios tjanikäjpxy ko ënäty yajkutëkoya'anëtë, e yë Moisés mëti'ipë wyin'ijxën, yë'ë ojts tuktëkë ets ja Tios ja jyoot'an xye'emy, jëtu'un ojts ka'ap kyutëkooynyëtëpë.

Job 42:10

Ko ja Job tkënu'kxtaay ja myëku'uktëjk mëti'ipë mëët oy nyämyäyën, ojts ja Tios myooywyimpijta'ayë ja jyotkujk'ajtën, ni'ik ojts myo'oyë, tëkëëkjëtu'un tä ja mëti'ipë ënäty të nmëët'atyën ko pya'tkë'p'ajty.

Job 42:8

Tyam yë'ë mënëjkxtë yë tsajpkaa, wëxtujk xymyënëjkxtëty ets wëxtujk yë kupixyny ayääkë jam ma Job yajpaatyën ets jam xyaktëty nino'oky nixämy tä tu'uk wintsë'kënën mëti'ipë mnatyukunaxëtëpën. Yë ntuunpës Job yë'ë mkënu'kxta'akanëtëp, nmëtoow'itäämpyës tä ënäty y'ënä'änyën ets ka'ap wi'ix ntuntëty; oy jëtää ka'ap mjanitëkëtë myajpokmyä'kxtëty jä'ä ko miitsëty ka'apës mëtëy të xynyimëtya'aktë, jëtu'un tä yë ntuunpënës Job.

1 Samuel 15:30

Tä ja Saúl jatëkok y'ënäny: Pokyës të ntuny; e tyamts npëjktsoy, nmënu'kxtä'äky ets je'eyëm xywyintsë'ëkëtyës maas nyajkutukyën. E paaty yam n'ënëëmë ko tun yë mëyajtën winpit jatëkok mëët ëjts. Wä'än yë mWintsën tu'knax n'ëwtajtëmë.

1 Samuel 15:24

Ënät ja Saúl t'ënëmaay ja Samuel: Tëyajtën tëëjës njantytyëkoy mëët koos ja Wintsën ja y'ënä'ämën ka'ap të nmëjpëjktakë ets tääjës mijts të xyjya'ënëëmën: ka'apës jëtu'un të ntuny mëët koos të ntsë'ëkë ja ja'ay etsës yë'ë të ntuny mëti'ipë ënäty yë'ë y'amëtoowtëpën

Deuteronomio 9:20

Yë Wintsën ojts yë Aarón näjyëtu'un tukjoot'anpëky, ojts tjatimyaj'ooka'any, koos jëtu'un n'ijxy, ënetyës ojts ntuktëkë ets këtiipë wi'ix tunëty.

Éxodo 32:30

Ënät komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Tios jam yajpaatyën etsës nnijawëja'any pën n'ëkyajjotujkpyës yë Tios ets jeexyë myajpokmyä'kxtë.

Éxodo 32:11

Yë Moisés ojts tjayajxäämanë mëktä'äky ja Wyintsën Tios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Génesis 20:7

E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Génesis 20:17

Ënät yë Abraham ojts yë Tios tmënu'kxtä'äky, tä ja Tios jatëkok tyajjëwä'ky ja yuu pa'am ma ja Abimélec ja jyot nyini'kxën ets ma ja tyo'oxytyëjkën. Ojts näjyëtu'un tsyo'oktë y'akëta'aktë ja tyuunpë ets mëpaat y'u'unk'ixtë.

2 Reyes 13:4

Tä ja Joacaz jyiiytyäky nyu'kxtäky ma ja Wintsënën, e ja Wintsën ojts tmëtoy ya'atë ja jëëytyak nu'kxtakën, jä'ä ko tëë ënäty kë'ëm t'ixy wi'ix ja sirië tyajmon tyajtuktën ja Israel ja'ayëty.

Isaías 26:16

Paatykyëjxm jëtu'un të jyäty të kyëpety, jä'ä ko ënäty ëëts nyajpaatë mon tuk.

Éxodo 8:4

Jëtu'unyë nëjkx mniputy mkuputyë yë maynyooty ets näjyëtu'un ja wintsëntëjk mëti'ipë mëët mtuunmukyën ets mëti'ipë mputëjkëyëpën ma mtuunk xyajtu'uye'eyën.

Éxodo 10:17

Tyam miitsëty n'amëtow npëjktsowtë ets yä'ätyë jëtu'unë etsës xypyokymyä'kxtëty ets xymyënu'kxta'aktëty yë mWintsënëty, wä'än tjëpëky ya'atë ëyo'on jotmay ma ëëtsëtyën.