Números 21:4 - Biblia Mixe de Quetzaltepec

⁴ Ënät ja Israel ja'ayëty jam tsyo'ontë ma ja Hor kopkën ets nyëjkxtë ma ja mëjnëëjën mëti'ipë yajtijpën Ookpyë Mejy. Paatykyëjxm jamtsow y'ëwtijtë, jä'ä këtiipë nyaxtëty Edom. E jam tu'ujotm jam ojts ja mayjyä'äy ja myä'kxtujkën kyëjxnëtë.

Números 21:4 ပူးပေါင်းရင်းမြစ်များ

Éxodo 6:9

Moisés ojts ja aaw ayuk tjakajpxnaxy, e yë'ëjëty ka'ap ojts tmëpëktë, jä'ä ko ja mëktuunk jä'ä ënäty tyäty myëmaay tyäty myëtajtëp.

Jueces 11:18

E ëëtsëty jam të'ëts'itjotm, ojts na'ëwtitës ja nyaax kyajpnëty ja Edom ets Moab ja'ayëty ets nja'ajtës jamtsow a'oytsyow ma Moab y'itjotmën; jamtsës ojts tu'kjëmëjt ntsënaaytyaknpëktë jamtsow awinm ma Arnón mëjnëëjën. E kajts ojts ntuknaxtës jä'ä ko jam ënäty tsyo'ontä'äky ja Moab ja'ayëty ja nyaaxjotmëty.

Números 32:7

¿Wi'ix ko jëtu'un mmaytyë mtajtë ets ja naax kajpn je'eyë xyajjotmaytyëkëja'antë. Këtiipë jya'tëty ma naax kajpnën mëti'ipë ja wintsën të myo'ojëtën?

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Números 33:41

Ko jam tsyo'ontë ma ja Or kopkën, jam jyajtë Zalmoná.

Números 32:9

Ojts jampaat jya'të ma tu'uk mëj joyën jam Escol ets t'ijxtë tuuntë ja it naaxwiinyëtë. E ko ojts wyimpijnëtë wiinkjaty ja Israel ja'ayëty tmëmëtyaktë ets tyajjoot'amutskëtyë këtiipë jya'tëty ma ja it naaxwiinyëtën mëti'ipë ënäty ja Tios të myo'ojëtën.

Deuteronomio 1:40

E miitsëty, winpitë jatëkok jam të'ëts'itjotm. Nëjkxtë jam ma ja Tsaptsmejyën.

Números 20:27

Yë Moisés ojts jëtu'un tuny, tä ënäty ja Wintsën të tyuk'ëne'emyën. Tam ja mayjyä'äy t'ixtë, ko ojts jam nitëkëëk pyäjnëtë kopkkëjxm ma txëëwatyën Hor.

Números 14:25

Yë Canaán ja'ayëty ets Amalec ja'ayëty jam yë tsyëënëtë joyjyotm. Jëpom mwinpitëty ets xypyanëjkxtëty ja tu'u mëti'ipë jam të'ëts'itjotm najxpën ets jyä'ty ma Tsaptsmejyën.

Deuteronomio 2:1

Ënät ojts nëjkxtës të'ëts'itjotm ets npanëjkxtës ja në'ë tu'u mëti'ipë nëjkxpën jam ma Tsaptsmëjmejyën. E jä'ä ko Wintsën ënäty jëtu'un të xytyuk'ëne'emyës, jeky ojts ëëts jam njëtitë të'ëts'itjotm ets na'ëwtijtës tëkokyë ja Seir kopkjot.

2 Reyes 3:8

Je'eyëp tëy, ¿maatsow yaj'ëtukëty? Ets ja Joram y'ëtsooy: Jäätsow ma tu'ujën mëti'ipë nëjkxpën të'ëts'itjotm ma Edom y'itjotmën.