Números 21:34 - Biblia Mixe de Quetzaltepec

³⁴ Ënät ja Tios t'ënëmaay ja Moisés: Këtii tääpë ja'ay xytsyë'ëkëty, ëjts tëëjës ntuknipëjktaakë, ko mijts nyajmëtaka'any ets ntukë'ëtëkëja'any tääpë yajkutujkpë mëët tëkokyë yë tsyiptuunpëtëjk ets nyaax kyajpn, timjëtu'un xytyunëty tä ojts jyäty kyëpetyën yë yajkutujkpë Sihón, mëti'ipë ënäty yë Amor ja'ayëty yajkutujkpë'ajtëpën jampë tsyëënëtën Hesbón.

Números 21:34 ပူးပေါင်းရင်းမြစ်များ

Josue 8:7

Ënät mpëtsëmtëty ënätyë ets ja kajpn xynyitëkëtëty, jä'ä ko yë Wintsën tëë tkë'ëyäky.

Isaías 41:13

Jä'ä ko yë mWintsën Tios, mkë'ëkëjxy mmajts'ityë; tëë n'ënëëmë ko këtii mtsë'ëkëty.

2 Reyes 3:18

Tyaapë tyäty wäänë yë'ë mëti'ipë yë Wintsën tyunäämpyën, jä'ä ko yë'ë ëpëky tkë'ëyaka'any ma miitsëtyën yë Moab ja'ayëty,

1 Reyes 20:28

Ënät jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

1 Reyes 20:13

E ja Ahab mëti'ipë jam ënä'ämpën Israel, ënätyë ojts tu'uk ja käjpxynyajxpë nyiminyë ets y'ënëmaayë: Jëtu'un yë Wintsën të y'ënä'äny, ko oy jënu'un janty nimay xyjya'ixëty yë mëtsiptëjk, yë'ë nkëyakäämpyës yam ma mijts yë mkë'ë m'aawën ets jëtu'un xynyijawëty ko ëjts Wintsënajtp.

2 Samuel 5:19

David pojën ojts ja Wintsën tuk'ëwaanë ets tyajtëëy: ¿Wi'ix oy'atëp ets mëët yë filistejë ja'ayëty ntsiptunëtyësë? Tä ja Wintsën y'ëtsoowë: Oy, tsiptun mëët, tyam mijts nyajmëta'akëty.

1 Samuel 23:4

Ënät ja David ojts jatëkok tyajtëy ja Wintsën. E ja Wintsën tyaa y'ëtsoowë: Nëjkx jam Keilá, jä'ä ko tëëjës ntuknipëjktaakë koos nkë'ëmo'oja'any yë filistejë ja'ayëty.

Jueces 11:30

Ënät ja Jefté ojts tu'uk yë waantakën tuny ma Tiosën ets t'ënëmaay: Pën mijts xyajmëtakpës,

Josue 10:25

ets ja Josué y'ënëmaayëtë: Këtii mtsë'ëkëtëty ets këtii nëkoo mmaytyë mtajtë. Ni'ikyëmës amëk jotmëk mtimyyajpaatëty. Jä'ä ko Wintsën aakjëtu'un tuna'any yë mëtsiptëjk.

Josue 10:8

ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

Deuteronomio 31:6

Amëk jotmëk mnäjyawëtëty, këtii mtsë'ëkëtëty ko ënäty yë mëtsip muum xywyinkuwa'akëtë. Jä'ä ko yë Wintsën yë'ë yajpaataanp ma miitsëtyën ets ka'ap nijëna'a m'ëxmatsa'anyë.

Deuteronomio 20:3

ets t'ënëëmëty: Mëtoow'itë ya'atë aaw ayuk miitsëty Israel ja'ayëty. Tyam miits yë mëtsiptëjkëty xywyinkuwa'akëja'antë, këtii nijënu'un mtimtsyë'ëkëtëty ets këtii mwinmaaytyëkatstëty.

Deuteronomio 7:24

Yë yajkutujkpëtëjk mëti'ipë ënäty jam ënä'ämtëpën, miits mkë'ë'am nëjkx kya'atë, nëjkxëp xyaj'o'kta'atë ets nijëna'a kya'ëkyaja'amyäjtsnëtëty yaa naaxwiiny naaxkëjxy. Ko ënäty miitsëty mtsiptuntë, ni pën nëjkx xykyayajmëta'aktë ets jëtu'un nëjkx niwinëty xyajkutëkooytya'atë.

Deuteronomio 3:11

Yë yajkutujkpë Og, yi'iyë ënäty tu'uk jaakwë'ëmp ma Refa ja'ayëtyën. Yë myaapäjn aak juunpujxn ënäty mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Números 14:9

E këtii xykyäjpxy kumëtoownaxtë yë Wintsën. Këtii xytyimtsë'ëkëtëty tääpë ja'ayëty, mëti'ipë jam tsënaaytyëpën. Jä'ä ko yë'ëjëty jëtu'un yë nyaxa'antë tä jeexyë yë tsajpkääky nka'ayëmën. Yë'ëjëty ka'ap tmëët'atë pën putëkëtëpën. E ëëtsajtëm yë Tios yë'ë mëët nyajpatëmë. Paaty myaj'ënëëmëtë ets këtii mtsë'ëkëtëty.

Números 32:4

mëti'ipë yë Tios të tnitsiptunyën ets Israel kajpn tmo'oja'any. Jëtu'un yaj'ixy janty'oy yowë jam wya'anëty jëyujk tënaaytyakn tsajpkaatënaaytyakn, e ëëtsëty nmëët'ajtëpës yë jëyujk tsajpkaa.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënäty të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

Deuteronomio 3:1

Ënät ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.

Deuteronomio 7:17

Wä'än jëtää miits mmaytyëty mtajtëty, tääpë naax kajpn mëj këjää oyëty, ¿wi'ix ëëts n'ëktuntëty ets nmëmëta'aktëtyës?

Deuteronomio 7:18

Tyam miits n'ënëëmëtë, ko këtii xytsyë'ëkëtëty. Yë'ë ëkja'amyätstë wi'ix yë Wintsën tuunyën yë yajkutujkpë ets tëkokyë yë Egiptë ja'ayëty.

Deuteronomio 7:21

Paaty yam n'ënëëmëtë ko këtii tääpë ja'ayëty xytsyë'ëkëtëty, jä'ä ko yë Wintsën mëti'ipë mëjën ets kutsë'ëkën yë'ë mputëkëjanëtëp.