Números 21:32 - Biblia Mixe de Quetzaltepec

³² Ojts näjyëtu'un yë Moisés tkexy yë ja'ay nimäjtsk nitëkëëk ets nëjkx t'ixtë tuntë ja Jézer kajpn. Yë Israel ja'ayëty ojts tmëmëtakta'atë tääpë ja'ayëty, mëti'ipë ënäty jam tsënaaytyëpën. Wa'ats tyajkäkpëtsëëmtaaytyë yë Amor ja'ayëty ma ja nyaax kyajpnëtyën.

Números 21:32 ပူးပေါင်းရင်းမြစ်များ

Jeremias 48:32

Ni'ik nniya'axa'any mijts, tsatsymkyam mëti'ipë jam yajpatëpën Sibmá, këtiinëm yë Jazer kajpn. Jëtu'un ijty mijts myaj'ixy tä jeexyë mkepy xyajyonyën ets jampaat nyasxajë Jazer. Yë mxe'enty nyinajxyp ijty yë mejy ets jyä'ty Jazer. E tyam, yë m'tsatymkyam tëë kyutëkooytyä'äy.

Números 32:1

Yë Rubén ets Gad yë jyä'äyëty kutsajpkaa ijtyëty. Ko t'ijxtë ja it naaxwiinyëtë, mëti'ipë jam yajpatpën Jazer nyaaxjotm ets Galaad nyaaxjotm janty'oy kyëxë'ëky ets ja jëyujk tsajpkaa jam tyänëty.

Números 32:35

Atarot-sofan, Jazer Jogbehá,

Números 32:3

Yë'ëjës yam njanikajpxantëp, ko yë it naaxwiinyëtë mëti'ipë jam yajpatëpën Atarot, Dibón, Jazer, Nimra, Hesbón, Elalé, Sebam, Nebo ets Beón,

Números 21:31

Jëtu'un'äämpy yë Israel ja'ay ojts tjä'ä'aty ja Amor ja'ayëty ja y'it nyaaxwiinyëtëty.

Josue 13:25

Yë'ë jyä'ä'ajtë Jazer kajpn ets tëkokyë ja kajpn jënu'un tnitänën ja Galaad, kujkwä'kxy tjä'ä'ajtë ja nyaaxwiinyëtëty ja Amón ja'ayëty, jampaat jyä'ty ma ja Aroer kajpnën, mëti'ipë mëët yë Rabá nyäwyinku'ixëtyën,

2 Samuel 24:5

Ojts ninaxtë ja Jordán mëjnëë ets tyajtso'ontaktë ja jaaymyujkën jam Aroer, ma tu'uk ja kajpnën mëti'ipë jam yajpatpën joyjotm, ma ja tu'u nyäxyën mëti'ipë nëjkxpën Gad ets Jazer.

Génesis 15:21

Amor ja'ayëty, Canaán ja'ayëty, gergeseos ja'ayëty ets Jebús ja'ayëty.

Josue 24:12

Ja nimäjtskpë Amor ja'ay yajkutujkpë ojts y'ooktë, ka'ap myiitsëty xyaj'o'ktë mëët ja mtëypyujxnëty ets ja mti'pxnëty, ëjts ojts ja nmëk'ajtënës nyajkëtä'äkyës miits mwintuuyëty ets yë'ë kyäktaaytyë ka'anëm ënäty miits jam mja'tënëm.