Números 21:27 - Biblia Mixe de Quetzaltepec

²⁷ Paaty y'ënantë ja ja'ay mëti'ipë jaaytyëpën ets oy mëtyaktëpën: Mintë ni'ëmukë ma ja Hesbón kajpnën mëti'ipë kyajpn'ajtypyën yë Sihón. Koj'oyëtë ets yajta'tspëktë.

Números 21:27 ပူးပေါင်းရင်းမြစ်များ

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënäty të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Isaías 14:4

ya'atë nëjkx xy'ixy ets jëtu'un xynyëxi'ik xytyukxi'ikëty ja Babilonyë ja'ay mëti'ipë ënä'ämp yajkutujkpën: Ixtë wi'ix o'ktëy ja ënä'ämpë yajkutujkpë jyäty kyëpetyën. Ix wi'ix të jyajnë ja mëti'ipë ijty nämyëjja'aw näjyääntyjya'awëyëpën.

Números 21:14

Yë'ë jëtu'un nyikäjpxy yë noky ma myinyën këxja'ay mëti'ipë yë Tios nyitsiptuumpyën, ko y'ënä'äny: Jam ojts najxëmë Vaheb, ma ja Sufá itën, ojts najxëmë wokjoty ets ma ja Arnón mëjnëëjën,

Números 21:26

Ma ja kajpn txëëwatyën Hesbón, jam ijty yë Sihón tsyëënë mëti'ipë ja Amor ja'ayëty yajkutujkpë'ajtëpën. Yë Sihón jeky ënäty mëët të nyäyaj'ityë tsipjoty ja yajkutujkpë mëti'ipë jam Moab ënä'ämpën. Ets tëë ënäty tpëjkëtyä'äy ja y'it nyaaxwiinyëtë jampaat ma nyäxyën ja Arnón mëjnëë.

Números 21:28

Jam Hesbón, yë kyajpn yë Sihón. Jam tu'uk yë mëjpatoyë të tsyo'ontä'äky, mëti'ipë të tyajkutëkoyën yë naax kajpn Ar, mëti'ipë yë Moab nyitënääpyën, ets tëë wyintooytyuta'atë ja tunjot kopkjot, mëti'ipë nyitënääpyën yë Arnón.

Nehemías 7:1

Ko ja mëjpotsy ojts yajkoj'o'oyëtyä'äy ets ja nyitëjk'aaw tyëkëtyääy ënät ja ja'ay yajnikajpxpäjtë mëti'ipë kyëwent'atëpën ja tëjk'aaw, mëti'ipë ëwtëp ya'axtëpën ets ja Leví ja'ayëty.