Números 21:26 - Biblia Mixe de Quetzaltepec

²⁶ Ma ja kajpn txëëwatyën Hesbón, jam ijty yë Sihón tsyëënë mëti'ipë ja Amor ja'ayëty yajkutujkpë'ajtëpën. Yë Sihón jeky ënäty mëët të nyäyaj'ityë tsipjoty ja yajkutujkpë mëti'ipë jam Moab ënä'ämpën. Ets tëë ënäty tpëjkëtyä'äy ja y'it nyaaxwiinyëtë jampaat ma nyäxyën ja Arnón mëjnëë.

Números 21:26 ပူးပေါင်းရင်းမြစ်များ

Números 21:25

Jëtu'un ojts yë Israel ja'ayëty tniwa'kta'atë ja naax kajpn ma ijty ja Amor ja'ayëty tsyëënëtën, tä ja kajpn mëti'ipë xyëëwajtypyën Hesbón ets ja mëti'ipë jam näkyumajtsëtëpën ma yë'ëjën; yë Israel ja'ayëty jam ojts tsyënaaytyaknpëktë.

Números 21:27

Paaty y'ënantë ja ja'ay mëti'ipë jaaytyëpën ets oy mëtyaktëpën: Mintë ni'ëmukë ma ja Hesbón kajpnën mëti'ipë kyajpn'ajtypyën yë Sihón. Koj'oyëtë ets yajta'tspëktë.

Jueces 11:26

Ix jënu'un këjää të nyëjkxnë jëmëjt, tëkëëk mëko'px jëmëjt ma ëëts yaa ntsëënëtën yaa Hesbón, Aroer ets ma mutskëtypë kajpn ets ma ja kajpnën jampë yajpaatën pë'am ma Arnón mëjnëëjën; ¿Wi'ix ko ënätyë të xykyapaye'eytyë pën miitstën yë mjä'äjëty?

Cantares 7:4

Yë myo'kn jëtu'un tä yenypyotsyën yujkpotyëtyën mëti'ipë mëët y'oytyunyëtyën yë elefantë pajk; jëtu'un yë mwiin mäjtsk yajpaaty tä yë nëë apojtsë'ëkyën mäjtskpë jam y'ityën Hesbón, wiinkonpë yajpaatyën ma yajnitëkën yë Bat-rabim; yë mjëjp jëtu'un tä yenypyotsyën yujkpotyëtyën jampë Líbano yajpaatyën, mëti'ipë najts'ijxëpën Damaskë.

Jeremias 48:45

Tëë mayjyä'äy myëjaawkëjxnë, jam t'ixta'atë tsoktakn Hesbón y'itjotm, ma Sihón yajkutukyën, je'eyëp ko jëën jam yä'ämp, jampaat jyä'ty ma Moab kyopk jotmën, yë Moab kajpn mëti'ipë je'eyë ëtëtsp ënaanpën.

Josue 13:16

ja nyaaxëty jampaat tsyo'ontä'äky Aroer ets jam nyäxy ma ja Arnón nëëpa'ajën; tyimja'ty jam ma ja kajpnën jampë joyjyotm yajpaatyën ets tu'kë'ëyë ja it naaxwiinyëtë mëti'ipë jamën nijoykyijxy.

Josue 13:17

Jëtu'un jam jyä'äjty Hesbón ets yë'ë jyä'ä'ajtaay tëkokyë ja kajpn mëti'ipë jam yajpatpën tunjotm; tä ja kajpnëtyën mëti'ipë xyëëwajtëpën: Dibón, Bamot-Baal, Bet-Baal-meón,

Josue 13:25

Yë'ë jyä'ä'ajtë Jazer kajpn ets tëkokyë ja kajpn jënu'un tnitänën ja Galaad, kujkwä'kxy tjä'ä'ajtë ja nyaaxwiinyëtëty ja Amón ja'ayëty, jampaat jyä'ty ma ja Aroer kajpnën, mëti'ipë mëët yë Rabá nyäwyinku'ixëtyën,

Josue 21:39

Hesbón ets Jazer kajpnën; jä'ä nyäpyäätyë ja kajpn taxk ets aakmëët ja nyinaax nyikam ma tjëkyepyën tyänëtëty ja jëyujk tsajpkaa.

Cantares 7:5

Yë mkëpajk, mëti'ipë yajpatpën ma mnini'kx kopkën, jëtu'un yë'ë tä Carmel kopkën; yë mwaay jëtu'un kyëxë'ëky tä yë tsapts'yëk piityën, ma tu'uk yë yajkutujkpë të jyänën.

Jeremias 48:2

Tëë kyixy nyäxy ma mëj'äämpy të y'ityën yë Moab. Jam Hesbón tam tnipëjktaakëtë wi'ix yë Moab kajpn y'atëkoyëtyën. Mits Madmén näjyëtu'un mkutëkoyä'äny ets ja tsip ka'ap m'ëxmatsa'anyë.

Jeremias 48:20

Yë Moab kajpn mëj këjää të tsyë'ëkë. Jyëkyejpy xynyijë'ë xynyiya'axtëty. Nëjkx jam nikajpxtë ma Arnón mëjnëëjën ko yë Moab kajpn të kyutëkoy.