Números 21:25 - Biblia Mixe de Quetzaltepec

²⁵ Jëtu'un ojts yë Israel ja'ayëty tniwa'kta'atë ja naax kajpn ma ijty ja Amor ja'ayëty tsyëënëtën, tä ja kajpn mëti'ipë xyëëwajtypyën Hesbón ets ja mëti'ipë jam näkyumajtsëtëpën ma yë'ëjën; yë Israel ja'ayëty jam ojts tsyënaaytyaknpëktë.

Números 21:25 ပူးပေါင်းရင်းမြစ်များ

Amós 2:10

E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënäty yë'ëjëty jyä'ä'ajtëpën.

Ezequiel 16:53

Nyajjotkujkëjäämpyës jatëkok yë Sodomë kajpn ets Samaria kajpn, mëët nitëkokyë mutskjatypë kyajpn; näjyëtu'un mijts nyajjotkujkëjäämpy jatëkok,

Ezequiel 16:49

Jä'ä ko yë m'uty Sodomë, mëët yë mutskëtypë nyaax kyajpn, paaty ijty mëj këjxm nyäyajnaxëtë jä'ä ko tam may tmëët'atë jyi'kxy pyikyëty ets jotkujk yajpaatë, je'eyë ko ka'ap ojts nijëna'a tputëkëtë yë ëyoopëja'ay ets mëti'ipë winë yajmëyäjtypyën.

Ezequiel 16:46

Ja mtsë'ëtaak yë'ë ojts nyijkxy anëkëjxytsyow, ma Samaria kajpnën ets Samaria nyaaxjotmën; e ëpa'tkë'ëmtsow yë'ë ojts jam nyijkxy yë m'uty to'oxytyëjkpë, ma Sodomë kajpnën ets Sodomë nyaaxjotmën.

Jeremias 48:45

Tëë mayjyä'äy myëjaawkëjxnë, jam t'ixta'atë tsoktakn Hesbón y'itjotm, ma Sihón yajkutukyën, je'eyëp ko jëën jam yä'ämp, jampaat jyä'ty ma Moab kyopk jotmën, yë Moab kajpn mëti'ipë je'eyë ëtëtsp ënaanpën.

Jeremias 48:34

Jëëytyëp yaxtëp yë Hesbón ja'ayëty mëët yë pëjkën ijxën, tëë tnijawëtë yë Elalé ja'ayëty ets Jahas ja'ayëty; tëë tnijawëtë yë Soar ja'ayëty, yë Horonaim ja'ayëty ets Eglat-selisiya ja'ayëty, jä'ä ko yë'ëpaat yë nëëkopk të tyëtsnë mëti'ipë jamën Nimrim.

Jeremias 48:2

Tëë kyixy nyäxy ma mëj'äämpy të y'ityën yë Moab. Jam Hesbón tam tnipëjktaakëtë wi'ix yë Moab kajpn y'atëkoyëtyën. Mits Madmén näjyëtu'un mkutëkoyä'äny ets ja tsip ka'ap m'ëxmatsa'anyë.

Isaías 15:4

Jya''amëtoow jyapëjktsoowtëp näypyutëkë yë Hesbón ja'ayëty ets Elalé ja'ayëty; jampaat ja jëtu'unpë ja aaw ayuk jyajnë Jahas. Paatykyëjxm ja Moab ja'ayëty ka'ap t'ëknija'awënëtë tii tyuunta'aktëpën.

Cantares 7:4

Yë myo'kn jëtu'un tä yenypyotsyën yujkpotyëtyën mëti'ipë mëët y'oytyunyëtyën yë elefantë pajk; jëtu'un yë mwiin mäjtsk yajpaaty tä yë nëë apojtsë'ëkyën mäjtskpë jam y'ityën Hesbón, wiinkonpë yajpaatyën ma yajnitëkën yë Bat-rabim; yë mjëjp jëtu'un tä yenypyotsyën yujkpotyëtyën jampë Líbano yajpaatyën, mëti'ipë najts'ijxëpën Damaskë.

Deuteronomio 2:12

Ma ya'atë Seir itjotmën, yë'ë ijty yaa tsënaaytyëp yë Hor ja'ayëty. E ko yë Esaú yë y'u'unk y'ëna'k jam jyajtë, ojts ja ja'ay tyajkutëkooytya'atë mëti'ipë jam ijty tsënaaytyëpën ets jä'ä ja naax tniwa'ktë, jëtu'un tä ënäty ja Israel ja'ayëty may ja naax të tniwa'aktën mëti'ipë ja Wintsën mooyëtën.

Números 21:31

Jëtu'un'äämpy yë Israel ja'ay ojts tjä'ä'aty ja Amor ja'ayëty ja y'it nyaaxwiinyëtëty.

Números 21:26

Ma ja kajpn txëëwatyën Hesbón, jam ijty yë Sihón tsyëënë mëti'ipë ja Amor ja'ayëty yajkutujkpë'ajtëpën. Yë Sihón jeky ënäty mëët të nyäyaj'ityë tsipjoty ja yajkutujkpë mëti'ipë jam Moab ënä'ämpën. Ets tëë ënäty tpëjkëtyä'äy ja y'it nyaaxwiinyëtë jampaat ma nyäxyën ja Arnón mëjnëë.

Jueces 11:26

Ix jënu'un këjää të nyëjkxnë jëmëjt, tëkëëk mëko'px jëmëjt ma ëëts yaa ntsëënëtën yaa Hesbón, Aroer ets ma mutskëtypë kajpn ets ma ja kajpnën jampë yajpaatën pë'am ma Arnón mëjnëëjën; ¿Wi'ix ko ënätyë të xykyapaye'eytyë pën miitstën yë mjä'äjëty?

Números 32:3

Yë'ëjës yam njanikajpxantëp, ko yë it naaxwiinyëtë mëti'ipë jam yajpatëpën Atarot, Dibón, Jazer, Nimra, Hesbón, Elalé, Sebam, Nebo ets Beón,

Josue 24:8

Koonëm nyajmiintë ma ja nyaaxjotmën ja Amor ja'ayëty mëti'ipë a'oytsyow wë'ëmpën ma ja Jordán mëjnëëjën, ojts mjanipëtë'ëkëtë, mijts ojts mëta'aktë ets jëtu'un'äämpy xynyiwa'ktë ja nyaaxëty.