Números 21:24 - Biblia Mixe de Quetzaltepec

²⁴ E ja Israel ja'ayëty ojts näjyëtu'un pyëtë'ëktë ets nyäkyuwanëtë. Ka'ap tyajmëtaktë ja yajkutujkpë Sihón, ëxëëk tuuntë; jëtu'un'äämpy ojts tniwa'aktë ja nyaax kyam, mëti'ipë jampaat najxpën ma ja mëjnëëjën mëti'ipë xyëëwajtypyën Arnón ets jyä'ty jam Jaboc. Jam ma ja Amón ja'ay mëët nyäpyäätyë ja nyaaxjotëty. Tääpë naax kam napotsy ënäty tmëët'atë.

Números 21:24 ပူးပေါင်းရင်းမြစ်များ

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënäty jëtu'un jyakëjxm'atë tä yë ajë kepyën ets tä yë piitskepyën kepyën.

Salmos 136:19

Ja Sihón mëti'ipë yajkutujkpën ma Amor ja'ayëtyën, jä'ä ko yë tsyojkën jya'awën winë xëëw winë jëmëjt yë y'ijtëy.

Nehemías 9:22

Yë'ë mtukë'ëpëjkëtyääytyë ja naax kajpn mëjjatyëtypë, jëtu'un xypyëjkwa'kxta'ay tä ja'ay kam tu'u tyajwä'kxyën, yë'ë jyä'ä'ajtë ja Hesbón kajpn ma yajkutukyën ja Sihón ets Basán ets ma yajkutujkyën yë Og.

Josue 24:8

Koonëm nyajmiintë ma ja nyaaxjotmën ja Amor ja'ayëty mëti'ipë a'oytsyow wë'ëmpën ma ja Jordán mëjnëëjën, ojts mjanipëtë'ëkëtë, mijts ojts mëta'aktë ets jëtu'un'äämpy xynyiwa'ktë ja nyaaxëty.

Génesis 32:22

Ënät yë Jacob ojts koots pyëti'iky ja tsu'um ets pyëtë'ktë nimäjtsk ja tyo'oxytyëjk näjyëtu'un ets näjyëtu'un nimajktu'uk ja y'u'unk y'ëna'këty. Tä tyajnëënajxtaay ma tu'uk ja mëjnëë txëëwatyën Jaboc.

Jueces 21:8

¿Yaa ma ëëtsajtëmën jää jëtää pën mëti'ipë ka'ap të y'otsyën jam Mizpá Tioswintuuyë? Ënät ojts tja'amyätstë ko ja ja'ayëty mëti'ipë tsënaaytyëpën jam Jabés ma tnitänën yë Galaad, ka'ap y'ojtstë jam Mizpá ma ja nätyu'ukmukë y'ijtyën.

Josue 9:10

ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

Deuteronomio 29:7

Ko ojts nja'ajtëmë ma tääpë it naaxwiinyëtën, ënät ojts xynyitso'onëmë yë Sihón yajkutujkpë ets xyaj'o'kta'aja'anëmë. Yë'ë mëti'ipë ënäty jam yajkutujkpën Hesbón, ojts mëët nyäpyikyë yë Og, jampë yajkutujkpë'atyën Basán. E oyën ojts amëjaaw xyjyanitso'onëmë, yë'ëjëty ka'ap ojts myëta'aktë.

Deuteronomio 3:16

E yë Rubén yë jyä'äy ets Gad yë jyä'äy yë'ëjës ojts nmo'otë yë Galaad yë y'it nyaaxwiinyëtë, ma mëët nyäpyäätyë ja Arnón mëjnëë. Jam ojts nyämyëtsëpa'an'atëtë joyjyotm ets tyimja'ty ma Jaboc mëjnëëjën, ma ja tsyëpa'an nyaxtën ja Amón ja'ayëty.

Números 21:13

E ko jam tsyo'ontë jam jyajtë ma Arnón mëjnëëjën. Ya'atë mëjnëë jam tyimnaxy ma ja të'ëts itën mëti'ipë yë Amor ja'ayëty nyitënaaytyëpën ets yë'ë tsëpa'an'ajtp ma mëët nyäpyaatëtën yë Moab.

Josue 13:12

Yë'ë ojts tjä'ä'atë tëkokyë jënu'un yë Og tnitänën mëti'ipë ijty jam ënä'ämpën Basán jampë ojts yajkutukyën Astarot ets Edrei, Refa ja'ayëty ets yi'iyë ënäty atu'uk jaakwë'ëmp, ko Moisés tyukja'ajtë ka'ap ojts yajmëtä'äkyë ets ojts wa'ats y'ëxwojpta'ajëtë.

Jueces 11:13

Ënät ja yajkutujkpë Amón ja'ay y'ëtsooy: Miitsëty ko mtso'ontë jap Egiptë, ojtsës yë nnaax xypyëjkëtë mëti'ipë jam tso'ontakpën Arnón ets jyä'ty Jaboc ets ma Jordán mëjnëëjën. E tyamts npëjktsoy ets xyakëty a'oy.

Deuteronomio 4:46

Ma ënäty jam jyaak yajpaatënëm ëpa'tkë'ëmtsow ma ja Jordán nëëjën, jam joyjyotm winkon ma txëëwatyën Bet-peor ma nyaaxjotmën ja Sihón mëti'ipë yajkutujkpën ma Amor ja'ayëtyën. Yë Sihón jam ënäty tsyëënë ma Hesbón kajpnën, e yë Moisés ets Israel ja'ayëty yë'ë ojts yajkutëkoyëtë ko jap tsyo'ontë Egiptë.

Deuteronomio 31:4

Yë Wintsën jëtu'un nëjkx ya'atë naax kajpn tyajkutëkoy tä tyajkutëkooyën yë Sihón ets Og, mëti'ipë jam yajkutujktën ma Amor ja'ayëtyën.

Jueces 10:11

Ets ja Wintsën Tios y'ëtsowëtë: Miitsëty ojts ëxëëk mtunëtë yë Egiptë ja'ayëty, Amor ja'ayëty, Amón ja'ayëty ets filistejë ja'ayëty.