Números 21:21 - Biblia Mixe de Quetzaltepec

²¹ Ënät ja Israel ja'ayëty ojts tkäxtë ja myëku'ukëty ets nëjkx kyukäjpxy'atë jam ma Sihón yajkutujkpën, mëti'ipë ënä'ämpën ma Amor ja'ayëtyën ets t'ënëëmëtëty.

Números 21:21 ပူးပေါင်းရင်းမြစ်များ

Números 21:20

e ko jam Bamot tsyo'ontë jam jyajtë ma ja mëj joyën, mëti'ipë nyitënääpyën yë Moab; jamtëkë yajpaaty ma jyëjpkëxyën yë Pisgá y'it nyaaxwiinyëtë ets jam yaj'ijxnëp ja të'ëts'itjotm.

Deuteronomio 4:46

Ma ënäty jam jyaak yajpaatënëm ëpa'tkë'ëmtsow ma ja Jordán nëëjën, jam joyjyotm winkon ma txëëwatyën Bet-peor ma nyaaxjotmën ja Sihón mëti'ipë yajkutujkpën ma Amor ja'ayëtyën. Yë Sihón jam ënäty tsyëënë ma Hesbón kajpnën, e yë Moisés ets Israel ja'ayëty yë'ë ojts yajkutëkoyëtë ko jap tsyo'ontë Egiptë.

Deuteronomio 29:7

Ko ojts nja'ajtëmë ma tääpë it naaxwiinyëtën, ënät ojts xynyitso'onëmë yë Sihón yajkutujkpë ets xyaj'o'kta'aja'anëmë. Yë'ë mëti'ipë ënäty jam yajkutujkpën Hesbón, ojts mëët nyäpyikyë yë Og, jampë yajkutujkpë'atyën Basán. E oyën ojts amëjaaw xyjyanitso'onëmë, yë'ëjëty ka'ap ojts myëta'aktë.

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Tios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënäty jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Josue 24:8

Koonëm nyajmiintë ma ja nyaaxjotmën ja Amor ja'ayëty mëti'ipë a'oytsyow wë'ëmpën ma ja Jordán mëjnëëjën, ojts mjanipëtë'ëkëtë, mijts ojts mëta'aktë ets jëtu'un'äämpy xynyiwa'ktë ja nyaaxëty.

Jueces 10:11

Ets ja Wintsën Tios y'ëtsowëtë: Miitsëty ojts ëxëëk mtunëtë yë Egiptë ja'ayëty, Amor ja'ayëty, Amón ja'ayëty ets filistejë ja'ayëty.

Nehemías 9:22

Yë'ë mtukë'ëpëjkëtyääytyë ja naax kajpn mëjjatyëtypë, jëtu'un xypyëjkwa'kxta'ay tä ja'ay kam tu'u tyajwä'kxyën, yë'ë jyä'ä'ajtë ja Hesbón kajpn ma yajkutukyën ja Sihón ets Basán ets ma yajkutujkyën yë Og.

Salmos 135:11

Ja Sihón, mëti'ipë ënäty ënä'ämpën ma Amor ja'ayëtyën; ja Og, mëti'ipë ënäty ënä'ämpën jam Basán ets tëkokyë ja yajkutujkpëtëjk mëti'ipë ënäty jam ënä'ämtëpën Canaán.

Salmos 136:19

Ja Sihón mëti'ipë yajkutujkpën ma Amor ja'ayëtyën, jä'ä ko yë tsyojkën jya'awën winë xëëw winë jëmëjt yë y'ijtëy.

Jeremias 48:45

Tëë mayjyä'äy myëjaawkëjxnë, jam t'ixta'atë tsoktakn Hesbón y'itjotm, ma Sihón yajkutukyën, je'eyëp ko jëën jam yä'ämp, jampaat jyä'ty ma Moab kyopk jotmën, yë Moab kajpn mëti'ipë je'eyë ëtëtsp ënaanpën.

Josue 12:1

Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

1 Crónicas 1:14

Yë Canaán yë'ë ojts t'u'unk'aty t'ok'aty yë ja'ayëty mëti'ipë yajtijtëpën Jebús ja'ayëty, Amor ja'ayëty, Gerges ja'ayëty,