Números 21:18 - Biblia Mixe de Quetzaltepec

¹⁸ Ja tu'uwinye'epyë ojts tnitajëtë ja nëë mëët ja kepy, mëti'ipë myëët'ajtypyën ja kutujkën; ja wintsëntëjkëty jampë yajpaatën ma ja naax kajpnën ojts tyajni'ëwa'atstë ja nëë mëët ja tyajkëty mëti'ipë yajmëjnajxpën. Jam të'ëts'itum jam tsyo'ontë yë Israel ja'ayëty ets jyajtë Mataná.

Números 21:18 ပူးပေါင်းရင်းမြစ်များ

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Santiago 4:12

Tu'uk je'eyë mëti'ipë ja ënä'ämën yajkën ets ja ja'ay tpaye'eyëty; nän yë'ë yajnitso'okaanp ets yajwintëkoyaanp. E mijts, ¿Mpënmës ko ja mmëku'uk ja pyoky xytyukwinmëtoy?

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Tios të xykyënu'kxëmë ets të xytyuknija'awëmë ja tëypyë jaantypë.

Deuteronomio 33:4

Yë Moisés tëë xymyo'oyëmë yë ënä'ämën tëyajtën, jëtu'un të xymyo'oyëmë, tä tu'uk yë mëjnäkyumayën ma Jacob yë nyaax kyajpnën,

Deuteronomio 5:31

E mijts wë'ëmës yaa mëët ëjts, jä'ä ko yë'ë yam ntuk'ëwaanëjäämpy tëkokyë ja ënä'ämën tëyajtën, ja kutujkën ets ja aaw ayuk mëti'ipë ënät mnikajpx mnimëtya'akëpën ets yë'ë pyatuntëp, ko ënäty jam yajpatnëtë ma ja naax kajpnën mëti'ipës nmo'ojantëpën ets tjä'ä'atëty.

Nehemías 3:5

Ojts näjyëtu'un yajtuknikääkëtë tyuunk yë Tecoa ja'ayëty, oy ka'ap tjakupëjktë yë jyä'äyëty may ets ka'ap pyutëjkëtyë.

Nehemías 3:1

Ënät ja teety kopk Eliasib ets ja myëteetyëjk tkoj o'oyëtyë ja tëjk'aaw, ma tijtën kupixynytyëjk'aaw. Ets tpëjktaktaaytyë ja tëjk kuwitsë maajaty ja tëjk'aawën, ets tkoj o'oyëtyë ja potsy, tyajtso'ontaktë ja jam ma tijtën mëko'px potsy ets tpaja'ajtë jam Hananel.

Números 21:17

Ënät ja Israel ja'ayëty ojts t'ëwtë ya'atë ëy: Ja nëë mëti'ipë mu'tpën, naaxjotypë pyëtsimyën. Ni'ëmukë, win'ëw winya'axtë ja nëë, mëti'ipë pëtsëëmpën naaxjoty.

Números 21:19

Jam tsyo'ontë Mataná ets jyajtë Nahaliel, Nahaliel tsyo'ontë ets jyajtë Bamot,