Números 20:8 - Biblia Mixe de Quetzaltepec

⁸ Kajpë'ëk ja mtajk ets mnäypyutëkëtëty mëët yë m'ajty Aarón ma ja naax kajpn xyajtu'ukmuktëtyën. Ma ënäty jam jëtu'un të tyu'ukmujkta'atën. Ënät ja mëjtsaa xymyëkajpxëty ets jap ja nëë myuutëty ets nyëë'uuktëty ja mayjyä'äy ets ja jyëyujkëty.

Números 20:8 ပူးပေါင်းရင်းမြစ်များ

Éxodo 4:17

Mkapëp ya'atë mtajk, jä'ä ko yë'ë jëtu'un mëët winë mëj këjää xytyuna'any.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Isaías 43:20

Nëjkxëpës xymyëjjaw xy'oyjyawëtë yë aayjëyujk ujts jëyujkëty, tä yë waxën ets patutkën, jä'ä ko ja nëë nyajpëtsëmyës të'ëts'itjotm, ets ma ka'ap tii y'ity wyintëyën, ets nyëë'uuk nyëëpëktëty yë nnaax nkajpnës mëti'ipës të nwin'ixyën,

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Tios ets ma ja Kupixyny U'unkën.

Hechos 1:14

Ni'ëmukë ijty xëmë ye'eymyuktë ets ja Tios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

Juan 16:24

Tyampaat ka'ap miits tii xy'amëtowtës ëjtskyëjxm; amëtowtë ets myajmo'otëty, jëtu'un ja mxoontakën kya'pxtëty.

Lucas 11:13

Oy miits ëxëëk mjaja'ay'atë, mjajtëp ja m'u'unk xymyo'otëty mëti'ipë oyën, ets wi'ix ja mteety tsajpjotmëpë tkamo'ojëty ja Kënu'kxymyëkajtën mëti'ipë amëtoowëpën.

Mateo 21:21

Tääts ja Jesús y'ëtsoowëtë: Tëy miits n'ënëëmëtë, pën mmëpëjktëp ets ka'ap yë mjot mwinma'any xyajtëkatstë, ka'ap yi'iyë xytyuntëty tääpë xy'ixtën koos yë higo kepy nyajtë'ëtsy. Yë'ëpaat ya'atë kopk jyëkyejpy xy'ënëëmëtëty: jëwa'ak yaa, nëjkx jap mejyjoty ets jatëp jëtu'un.

Isaías 48:21

Oy ojts jyanaxtë jam të'ëts'itjotm, ka'ap nëëtëëtsë tmëët'ajtë; jä'ä ko Tios ojts yë nëë tyajpëtsëmy tsaajoty, je'eyë ja tsaa tjëkëëy ets jap ja nëë tyajpëtsëëmy.

Salmos 114:8

Yë'ë ojts tyaj'awinpity yë tsaato'okyjot nëë'akëyë. Yë'ë ojts tyaj'awinpity yë tsaatun nëëkopk.

Salmos 105:41

Ojts tyajpu'uwä'kxy yë tsaa ets nëë jap tyajpëtsëëmy mëti'ipë tyukye'eyëtyääyën ja të'ëts'itjot tä tu'uk mëjnëëjën.

Salmos 33:9

Ko ojts kyäjpxy, ënät ojts winë kyojy; ko ojts winë tni'ënä'ämë, ënät ojts winë wyi'imy ta'tspëky.

Nehemías 9:15

Mooyë näjyëtu'un tsajpkääky ets ku'uxyë kyäytyëty y'uuktëty ets nëë tsaajotypë pyëtsiimyën ets nyëëtëëtsë tyajmontëty. Ets ok xy'ënëmaay ko tniwäänta'atëty ja it naaxwiinyëtë ma ënäty të xytyukwinwa'anëmën.

Josue 6:20

Ënät ja ja'ayëty tyëjkëtyë yaxpë jojkpë ets ja xuxn näjyëtu'un tjantyyaj'ënantë. Ko yë Israel ja'ayëty tmëtoowtë ja xuxn tyëjkëtyë xuxpë, ënät ojts ni'ikyë mëk jyänty'ënaanta'aktë koonëm je kajpn nyakëtaawtutaay, jä'ä ko napotsy ënäty yajpaaty. Ënät tyëjkëtyë kajpnjoty ets ojts tniwa'kta'atë.

Josue 6:5

Wi'ix xymyëtowtën ja xuxn xyu'uxy, jëtu'un mëk jyänty yujkya'axtëty ets nëjkx ja potsy kyëtäy ets nitu'ukjaty ënätyë xynyitëkëtëty ja kajpn.

Números 21:18

Ja tu'uwinye'epyë ojts tnitajëtë ja nëë mëët ja kepy, mëti'ipë myëët'ajtypyën ja kutujkën; ja wintsëntëjkëty jampë yajpaatën ma ja naax kajpnën ojts tyajni'ëwa'atstë ja nëë mëët ja tyajkëty mëti'ipë yajmëjnajxpën. Jam të'ëts'itum jam tsyo'ontë yë Israel ja'ayëty ets jyajtë Mataná.

Números 21:15

ets najxtës näjyëtu'un jam wokpë'am, mëti'ipë jam najxpën Ar itjotm ets tyimja'ty ma mëët yë Moab nyätyu'kmëtsëpa'an'atyën.

Números 20:11

Ko ja Moisés jëtu'un y'ënäny, ënät ja kyë'ë txajë'ky ets ojts mäjtsk'ok twopy ja tsaa mëët ja tyajk. Tääts ja komnëë pyëtsiimy. Jëtu'un ja nyëë tpatë mëti'ipë y'uktën ja ja'ayëty ets ja jëyujk tsajpkaajëty.

Éxodo 17:9

Ënät ja Moisés t'ënëmaay ja Josué: Win'ix yë ja'ay mëti'ipë m'a'ijxëpën ets mnëjkxtëty tsiptuunpë ma ja Amalec ja'ayëtyën. Ëjts jamës jopy kopkëjxm nyajpaata'any ets mpakapäämpyës yë ntajk, mëti'ipë yë Tios jyä'ä'ajtypyën.

Éxodo 14:16

E mijts kajpë'ëkmës yë mtajk ets xynyajtstijëty jam yë mkë'ë ma mëjmejyën ets nyäwya'kxëtëty mäjtskpëky. Jëtu'unts yë Israel ja'ayëty tuknaxtëty yë mejy të'ëts wa'ats.

Éxodo 7:20

Moisés ets Aarón ojts jëtu'un tuntë, tä ënäty yë Tios të y'ënë'ëmxëtën. Ënät ja Aarón ojts xyajjë'ëky ets tnëëkukäjpy ja tyajk, tam ënäty ja yajkutujkpë t'ixy, näjyëtu'un ja tyuunpëtëjk ojts t'ixt, tu'kë'ëyë ja nëë ojts y'awinpijta'ay ne'pny.

Éxodo 4:20

Ënät ja Moisés ja y'u'unk y'ëna'k ojts tyajpäjta'ay jëyujkkëjxm, näjyëtu'un ja tyo'oxytyëjk ets tsyo'ontë, nyëjkxnëtë jap Egiptë. Ojts tpakäpy ja tyajk mëti'ipë ënäty ja Tios të tyuk'ëne'emyën tpakapëty.

Éxodo 4:2

Tääts ja Tios yajtëëwë: ¿Ti tampë xymyëëtëtyën mkë'ëjotm? Tajk yë'ë, jëtu'un y'ëtsooy yë Moisés.

Génesis 18:14

¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

Números 20:7

Tä ja Wintsën t'ënëmaay ja Moisés: