Números 20:6 - Biblia Mixe de Quetzaltepec

⁶ Ja Moisés ets ja Aarón ojts twintso'ontu'utë ja naax kajpn ets ojts nyëjkxtë ma ja wit tëjkën ma ja näpyaatë y'ityën ets nyäkyoxtënaaytyakëtë. Jam yë wyimpokëty naaxkëjxy tim yajja'të. Ënät ja Tios ja myëj'ajt y'oyajtën ojts jam nyänyikëxë'ëkyë.

Números 20:6 ပူးပေါင်းရင်းမြစ်များ

Números 14:5

Ënät ja Moisés mëët ja Aarón nyäjyijtakëtë jam mayjyä'äyjotm.

Números 16:45

Näjyëpëkëtë ma tääpë ja'ayëtyën, jä'ä ko nyajkutëkoyäämpyës yam ajotkumonë. Tä ja Moisés ets ja Aarón ënätyë nyäkyoxtënaaytyakëtë,

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Números 16:19

Ja Coré tëë ënäty tyajtu'ukmujkta'ay ja ja'ay jam ma ja wit tëjkën ma ja näpyaatë y'ityën mëët yë Tios. Ënät ja Tios ojts ja myëj'ajt y'oyajtën jam nyänyikëxë'ëkyë ma ja mayjyä'äy yajpaatën.

Números 16:4

Ko yë Moisés jëtu'un tmëtooy, ënät wyintäky ets nyäkyoxtënaaytyakë,

Mateo 26:39

Ënät ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Tios nja'amyejtsy, jëtu'un y'ënäny: Tios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënäty nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënäty o'ktëy të jyat të kyëpätë. Ënät ojts jam nyëjkxtë ma ja Tios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

Números 16:42

Yajxon yë Moisés ets Aarón tjantynyapikëtë. E yë'ëjëty jam ojts nyëjkxtë ma ja wit tëjkën ma ja näpyaatë y'ityën mëët ja Tios. Ënät ojts ja yoots jam kyëtä'äky wit tëjknëkëjxm ets ja Tios ja myëj'ajt y'oyajtën nyänyikëxë'kë.

Números 14:10

Ko jëtu'un y'ënantë, ja yi'inëm ja ja'ay kyakuka'tsëtë. Ënät ja Tios ja myëj'ajt y'oyajtën ojts nyänyikëxë'ëkyë, ma ja tsajptëjkkopkën, mëti'ipë wit tëjkën ets ja Israel ja'ayëty ojts t'ixtë.

Números 12:5

Yë Tios yootsjoty ojts kyëtä'äky ets nyäpyëjktakë jam ma ja wit tëjk yajnitëkën ma näpyaatë y'ityën, tääts ojts tmëkäjpxy ja Aarón ets ja Maria. E ko ojts jam nyäwya'këxë'ëkëtë.

Éxodo 17:4

Tä ja Moisés tmëpëjktsooy ja Tios ets t'ënëmaay: ¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.

Éxodo 16:10

Ma ënäty jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Números 20:7

Tä ja Wintsën t'ënëmaay ja Moisés: