Números 20:5 - Biblia Mixe de Quetzaltepec

⁵ Tii ko ojts jap xy'ëkyajtso'ontëpës Egiptë ets të xyajmintës yaa, ma ja it naaxwiinyëtë atsë'ëk ajawëpë? Yaa ka'ap tjëkyepy wi'ix nipmëty nkojmëty ets wi'ix pën tpëjkta'akëty ujtskam jë'kxykyam, yë'ëpaat yë nëë ka'ap yaa npatmëty.

Números 20:5 ပူးပေါင်းရင်းမြစ်များ

Números 16:14

Mijts ka'apës maa të xyajnëjkxtë ma xynyikäjpxyën yë jë'kxy pëky ka'ap y'ëmaaytyä'äkyën. Ni nkam ni ntu'ujës të xykyamo'otë maas jeexyë npäntë nkojtën ja jë'kxy pëky. ¿Ëkë jä'äjën xytsyoky ets janty jëtu'un winë ntuunkojtëtyësë tä jeexyë ëëts nwiints'atënë? Ëëts ka'apës yam nëjkxa'antë ma jam mijts myajpaatyën.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Nehemías 9:21

Wëxtyikxy jëmëjt ojts yajpaatë jam të'ëts'itum ets nitii kyatëkoy'ajtëtë: ja wyit tyujkxy ka'ap kyë'tstë ets ja kyë'ë tyekyëty nijëna'a kyakiixë'ky.

Deuteronomio 8:15

Ets ojts myajjëtitëtë jam të'ëts'itjotm ma ënäty jam yë ëwa'anëtypë jëyujk yajpaatën, tä tsa'anyën, kaa jëyujkën, yë kä'pyën ets ma ka'ap yajpaatyën ja nëë; e yë'ë ojts yë myëj'ajtën tyaj'ixyë, ojts ja nëë tyajpëtsëmy tsaajoty ets myajnëë'ukëtë.

Números 20:24

Tëë yë xëëw po'o tpaaty ma Aarón y'o'knëtyën. Yë'ë ka'ap nëjkx tyëkë ma ja naaxwiinyëtën mëti'ipës yë Israel ja'ayëty të nmo'otën. Jä'ä ko miitsëty ojtsës ja n'aaw n'ayuk xyjyënajxëtë jam ma ja nëë pyëtsiimyën tsaajoty, mëti'ipë xyëëwajtypyën Meribá.

Números 27:14

Ya'atë jä'äkyëjxm jëtu'un jyäty kyëpety koos ojts miits ja n'aaw n'ayuk ka'ap xymyëjpëjktakëtë, jam ma ja të'ëts'it të'ëtsjot txëëwatyën Zin. Ko ja nëë ojts t'amëtowtë ja Israel ja'ayëty miitsëty ka'ap ja näywyinkutsë'kën xyaj'ijxëtë maas ëjtsën. Jam jëtu'un jyäjty kyëpejty ma txëëwatyën ja nëëjut Meribá, jam Cadés mëti'ipë Zin nyitënääpyën.