Números 20:4 - Biblia Mixe de Quetzaltepec

⁴ ¿Tii ko Tios yë nyaax kyajpn të xyajmiintëpë yaa ma y'anë'ëk tyëëtsë'ëkëtyën? ¿Ëkë yë'ëjën mtsojktëp etsës näjyëtu'un n'ooktëty yaa mëët yë njëyujk ntsajpkaajëtyësë.

Números 20:4 ပူးပေါင်းရင်းမြစ်များ

Éxodo 17:3

Ja naax kajpn yajxon ënäty jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Hechos 7:35

Oy ënäty ja Moisés të yajnëëmë: ¿Pën të mpëjktä'äkyë yajkutujkpë ets paye'epyë?, Tios yë'ë ojts kyexyë yaj'ëwaatsëpëtsëëmpë ets tu'uwinwoopë ko myëkajpxë ja tsajpjotmëtë kukäjpxy ma ja kepy ënäty wyintooypyetyën.

Salmos 106:21

Ojts tja'atyëkooynyëtë ja Tios, mëti'ipë ënäty të yaj'ëwaatsëpëtsëmëtën, ets mëti'ipë ënäty jap Egiptë winë të tuny të tkäjpxyën,

Números 16:41

Komjëpom, ënät ojts ja mayjyä'äy tyëkëtë ëëpë kajpxpë. Yë Moisés ets Aarón, yë'ë tyätynyi'ojëtyëp ets y'ëna'antë: Miitsëty je'eyë nëkoo Tios yë nyaax kyajpn xyaj'o'këtë.

Números 11:5

Yajxon yaja'amyäjtsnë wi'ix ijty jap ntsu'tsëmën yë nëë jëyujk Egiptë. Ets näjyëtu'un wi'ix ijty jap një'kxëmën yë ujtstëëm, këtsi'ixyëty, cepollëty ets ëxuxëty.

Éxodo 16:3

Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 5:21

ets y'ënëmaayëtë: Yë Tios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Números 14:2

Ets tyëjkëtyë ëëpë kajpxpë. Jä'ä ja Moisés ets ja Aarón wiinkjaty nyimëtyaktëp, tyaa y'ëna'antë: Ni'ik tëë jeexyë y'oyë, ko jeexyë jap Egiptë ëkë yaa të'ëts'ituuy ntimy'o'këmë.

Jueces 11:16

Koos jap ntso'ontë Egiptë, jëyëjpës ntuknajxtë yë Tsapts Mëj mëti'ipë yajtijpën Ookpyë Mejy etsës nja'ajtë jam Cadés.

Números 11:20

Jeky tsyu'utstëty wyëtstëty, jää oy tu'kpo'ojën, koonëm kyu'uxëtëty ets tsyipëtëty. Jä'ä ko ëjts xykyamëj'ijx xykyamëjpëjktaktëp mëti'ipë Wintsën'ajtpën. Ëjts jayajpatpës ma yë'ëjëtyën. E yë'ëjëty ni'ikyë jyänty jyë'ë jyänty myu'utë ets y'ëna'antë: ¿Wi'ix ko ojts n'ëktso'onëmpë jap Egiptë?