Números 20:3 - Biblia Mixe de Quetzaltepec

³ tää t'ënëmaaytyë ja Moisés: Nikë tëë jeexyë tyim'oy'äty ko jeexyë të n'o'kta'ayëmë ma ja wintsën tyaj'o'kyën ja may Israel ja'ayëty.

Números 20:3 ပူးပေါင်းရင်းမြစ်များ

Salmos 106:33

ojts tyajkumon tyajkutukëtë ets y'ëëwnë kyajpxnë tëkatsy, ka'ap t'ëkmëmaay t'ëkmëtajnë tii kyäjpxyp.

Salmos 78:19

Tä ojts tnikäjpxy tnimëtya'aktë tëkatsyjyäty ets y'ënantë: ¿Wä'än jëtää Tios tu'uk yë kaaypyäjn tkëëytyëwëty yaa të'ëts itjotyë ets ënät xyajka'ay xyaj'ukmëtyë?

Éxodo 17:2

Paaty ojts ja Moisés jä'ä tukmëkajpxtë ets t'ënëmaaytyë: Mooytyëkës yë nëë mëti'ipës n'uuktëpën. ¿Wi'ix koos yë nëë xy'amëtowtë? ¿Wi'ix ko je'eyë Tios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.

Lamentaciones 4:9

Nikë oy mëti'ipë pojën o'kën tsipjoty këtiinëmëm mëti'ipë yuu'o'ktëpën, jä'ä ko mëti'ipë të yuu'ooktën jeky të y'ëyowtë, ko të tyëkoy'äty ja ka'ayën ukën.

Números 11:1

Ënät ja Israel ja'ayëty ojts jatëkok wiinkjaty tyëkëtë kajpxpë ma ja Tiosën. Mëët ko mëk tjawëtë ja ëyo'on, mëti'ipë myënajx yajnajxtëpën. Ko Tios jëtu'un tmëtooy, ojts jyoot'anpëky. Ënät tkejxy ja mëj jëën jam pë'am ma mayjyä'äy tsyëënëtën.

Números 14:3

¿Tii ko Tios të xy'ëkyajmi'inëmpë ma ya'atë naax kamën? ¿Paatykyëjxmën të xyajmi'inëmë ets ënät tsipjoty n'o'kmëtyë? ¿Ets ja nto'oxytyëjk'ajtëmë ets u'unk ëna'k jä'ä ja mëtsip tmëwë'ëmtëtyë? Nikë wä'än y'oypyëtsëmëty ko jatëkok nwinpijtmëty jap Egiptë.

Números 16:49

Jä'ä ënäty yë ja'ayëty të nya'o'knëtë majkmajkts mil ja wëxtujk mëko'px. Yi'iyë mëti'ipë ënäty tsojk'am të y'ooktën, ëpëky ja mëti'ipë të y'o'ktëpën ma ja Coré ojts ja Moisés tmëtsiptsoonyën.