Números 20:21 - Biblia Mixe de Quetzaltepec

²¹ yajxon ënäty të timtyuknipëjktaakë ets ka'ap tyajnaxa'any ma nyaaxjotmën ja Israel ja'ayëty. Paaty yë Israel ja'ayëty ojts wiink tu'u tpëktë.

Números 20:21 ပူးပေါင်းရင်းမြစ်များ

Jueces 11:18

E ëëtsëty jam të'ëts'itjotm, ojts na'ëwtitës ja nyaax kyajpnëty ja Edom ets Moab ja'ayëty ets nja'ajtës jamtsow a'oytsyow ma Moab y'itjotmën; jamtsës ojts tu'kjëmëjt ntsënaaytyaknpëktë jamtsow awinm ma Arnón mëjnëëjën. E kajts ojts ntuknaxtës jä'ä ko jam ënäty tsyo'ontä'äky ja Moab ja'ayëty ja nyaaxjotmëty.

Deuteronomio 2:29

Jëtu'un tä ëëts të xyajnaxtën yë Esaú yë y'u'unk y'ëna'k jampë tsyëënëtën Seir ets tä yë moapja'ayëtyën jampë tsyëënëtën Ar ets koonëm ntuknaxtëtyës ja Jordán mëjnëë ets nja'tëtyës jam ma ja naax kamën mëti'ipë ja Wintsën ëëts xymyo'ojantëpën, mëti'ipës nTios'ajtëpën.

Jueces 11:24

Yë Quemós mëti'ipë mTios'ajtypyën, ko tii mo'oyë, mijts mjä'äniwäämpy yë'ë: ¿Këtiijë? E näjyëtu'untsën ëëtsëty Tiosës ya'atë naaxwiinyëtë të xymyo'otë, paatyës njä'äniwa'antë.

Deuteronomio 23:7

Yë'ë tëy yë Edom ja'ayëty, këtii jëkäm jëxkë'ëm xyajwë'ëmtëty jä'ä ko mëku'uk'ajtëp yë'ëjëty. Näyjyëtu'un yë Egiptë ja'ayëty këtii jëkäm jëxkë'ëm xyajwë'ëmtëty, jä'ä ko ojts jap tëëyëp mtsëënëtë.

Deuteronomio 2:27

Ëjts jëtu'unës nmay ntajy koos jam njanaxa'any ma mnaaxjotmën, tëyës naxa'any. Yi'iyës yë mëjtu'u npaye'eyäämpy ets ka'apës nëkoo mnaax mkajpn nmëwa'ana'any.

Números 21:23

E ja Sihón ka'ap ojts t'a'ixë ets ja Israel ja'ayëty nyaxtëty ma ja nyaaxjotmën. Ni'ikyë ojts yajxon nimay tyajtu'ukmujkta'ay ja tsyiptuunpëtëjk ets tnitso'ontë ja Israel ja'ayëty, jam ojts tukja'të ma txëëwatyën Jahas, jam të'ëts'itjotm.

Jueces 11:17

Paaty ojts yë Edom yajkutujkpë nkäjpxynyikexyës etsës jeexyë jam xyajnaxtë ma nyaax kyamëtyën, e yë'ë ka'ap t'a'ijxëy. Ojts näjyëtu'un yë Moab yajkutujkpë njakäjpxynyikexyës, yë'ë näjyëtu'un ka'ap t'a'ijxëy paaty ojts jam ntimy wë'ëmtës Cadés.

Números 21:4

Ënät ja Israel ja'ayëty jam tsyo'ontë ma ja Hor kopkën ets nyëjkxtë ma ja mëjnëëjën mëti'ipë yajtijpën Ookpyë Mejy. Paatykyëjxm jamtsow y'ëwtijtë, jä'ä këtiipë nyaxtëty Edom. E jam tu'ujotm jam ojts ja mayjyä'äy ja myä'kxtujkën kyëjxnëtë.

2 Crónicas 20:10

E tyam, ja Amón ja'ayëty, ja Moab ja'ayëty ets mëti'ipë jam tso'ontëpën ma y'itjotëtyën ja Seir ja'ayëty, ma ojts xynyikäjpxyën ko ka'ap jam ja Israel ja'ayëty nyëjkxtëty ko jap tsyo'ontë Egiptë, je'eyë ojts tnaye'eytyë ets ka'ap wi'ix tuuntë.