Números 20:18 - Biblia Mixe de Quetzaltepec

¹⁸ E ja yajkutujkpë mëti'ipë jam ënä'ämpën Edom tyaa y'ëtsoowëtë: Ka'apës yam n'ëwa'atsy ets mnaxtëty maajës yë nnaaxjotmën. E pën kë'ëmwinma'any mtimnyaxa'antë maajës yë nnaaxjotmën, ëjts tsoonëpës yaa mëët yë ntsiptuunpëtëjk ets n'ëwa'ktuktëty.

Números 20:18 ပူးပေါင်းရင်းမြစ်များ

Números 24:18

Nëjkxëp tmëmëtä'äky yë Edom ets tjä'ä'atëty yë Seir kajpn mëti'ipë mëtsip'ajtëpën. Yë Israel ja'ayëty nëjkxëp winë mëj këjää tuntë tkajpxtë.

Números 20:19

Ja Israel ja'ayëty yajxon tjamëmëtyaktë ets tjatukwinja'awëtyë ja yajkutujkpë. Yi'iyë ëëts yë tu'u npanëjkxantëp, e pën ëëtsëty ets ja njëyujk ntsajpkaajëtyës ntoontëpës ja mnëëjëty ma ja mnëëjutëtyën, nkujuytyëpës yë'ë. Ëëts yi'iyës mpëjktsoowtëp ets xy'ëwa'atsëty etsës naxtëty tekyye'epy mnaaxjoty.

Números 20:20

E ja yajkutujkpë mëti'ipë jam Edom ënä'ämpën jëtu'un ojts tyim'ëtsoowkojy: Ka'ap mnaxtëty. Ënät ojts may tyajmuky ja tsyiptuunpëtëjk ets tnitso'ontë ja Israel ja'ayëty,

Números 21:4

Ënät ja Israel ja'ayëty jam tsyo'ontë ma ja Hor kopkën ets nyëjkxtë ma ja mëjnëëjën mëti'ipë yajtijpën Ookpyë Mejy. Paatykyëjxm jamtsow y'ëwtijtë, jä'ä këtiipë nyaxtëty Edom. E jam tu'ujotm jam ojts ja mayjyä'äy ja myä'kxtujkën kyëjxnëtë.

Números 21:23

E ja Sihón ka'ap ojts t'a'ixë ets ja Israel ja'ayëty nyaxtëty ma ja nyaaxjotmën. Ni'ikyë ojts yajxon nimay tyajtu'ukmujkta'ay ja tsyiptuunpëtëjk ets tnitso'ontë ja Israel ja'ayëty, jam ojts tukja'të ma txëëwatyën Jahas, jam të'ëts'itjotm.

Deuteronomio 2:29

Jëtu'un tä ëëts të xyajnaxtën yë Esaú yë y'u'unk y'ëna'k jampë tsyëënëtën Seir ets tä yë moapja'ayëtyën jampë tsyëënëtën Ar ets koonëm ntuknaxtëtyës ja Jordán mëjnëë ets nja'tëtyës jam ma ja naax kamën mëti'ipë ja Wintsën ëëts xymyo'ojantëpën, mëti'ipës nTios'ajtëpën.