Números 20:17 - Biblia Mixe de Quetzaltepec

¹⁷ E paaty yam n'amëtow npëjktsowtë yë mëyajtën etsës xyajnaxtëty ma mnaaxjotmën. Ma ja mkam mtu'ujëtyën ma ja mpëjktä'äky xyaj'itën, ka'apës jam naxtëty ets ni yë'ë nëë nkatontëtyës ma mnëëjut xyaj'itën. Ja mëjtu'u yi'iyës npanëjkxantëp koonëm ntuknajxta'atëtyës ja m'it mnaaxjot.

Números 20:17 ပူးပေါင်းရင်းမြစ်များ

Deuteronomio 2:27

Ëjts jëtu'unës nmay ntajy koos jam njanaxa'any ma mnaaxjotmën, tëyës naxa'any. Yi'iyës yë mëjtu'u npaye'eyäämpy ets ka'apës nëkoo mnaax mkajpn nmëwa'ana'any.

Deuteronomio 2:29

Jëtu'un tä ëëts të xyajnaxtën yë Esaú yë y'u'unk y'ëna'k jampë tsyëënëtën Seir ets tä yë moapja'ayëtyën jampë tsyëënëtën Ar ets koonëm ntuknaxtëtyës ja Jordán mëjnëë ets nja'tëtyës jam ma ja naax kamën mëti'ipë ja Wintsën ëëts xymyo'ojantëpën, mëti'ipës nTios'ajtëpën.

Números 21:1

Ja yajkutujkpë mëti'ipë Canaán ja'ayën jampë y'ëne'emyën Arad ets jam tsyëënë Négueb. Ko tmëtoowpaty ko tää ja Israel ja'ayëty wyinkontë ma yajtijyën Atarim. Ënät ojts tnitsoony ja Israel ja'ayëty ets may tmajtstë.

2 Crónicas 20:10

E tyam, ja Amón ja'ayëty, ja Moab ja'ayëty ets mëti'ipë jam tso'ontëpën ma y'itjotëtyën ja Seir ja'ayëty, ma ojts xynyikäjpxyën ko ka'ap jam ja Israel ja'ayëty nyëjkxtëty ko jap tsyo'ontë Egiptë, je'eyë ojts tnaye'eytyë ets ka'ap wi'ix tuuntë.

Deuteronomio 2:28

Ja ka'ayën ukën mëti'ipë ënäty ëëts jam npatëpën ma miitsëtyën ets ja nëë mëti'ipës n'uktëpën, ja kë'ëm meeny mëët nkujuytyëtyës. Yi'iyë yam mijts n'amëtoopy npëjktsoopy etsës xyajnaxëty.