Números 20:16 - Biblia Mixe de Quetzaltepec

¹⁶ Ënät ojts n'amëtowtës yë Wintsën yë putëjk pupäjtën. Tääts tkejxy tu'uk yë Wintsën kyukäjpxy mëti'ipës xyajpëtsëëmtën jap Egiptë. E tyam, yam ëëts nyajpaatë ma ja it naaxwiinyëtë txëëwatyën Cadés, winkon ma mtsëpa'an nyaxtën.

Números 20:16 ပူးပေါင်းရင်းမြစ်များ

Éxodo 14:19

Ënät ja Tios ja kyukajpxpë ojts ënätyë kyëtä'äky ets ja yoots nyäpyëjktakë ix'am, mëti'ipë ja Israel ja'ayëty ënäty jëyëjp winye'eyëtëpën.

Éxodo 33:2

Ëjts tyamës yë nkukäjpxy nkäxa'any mëti'ipë mtu'uwinye'eyëtëpën ets n'ëxwojpta'aja'anyës jam ma nyaaxëty kyajpnëtyën yë Canaán ja'ayëty, Amor ja'ayëty, Hit ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 23:20

Ëk'ix, ntuknikäxäämpy tu'uk yë nkukexyës, mëti'ipë m'ijx'it mkëwent'atëtëpën ma në'ë tu'ujën ets myajja'tëtëty jam ma ja itjotmën, mëti'ipë të ntuknipëjkë'ëkën.

Éxodo 14:10

Ko ja Israel ja'ayëty t'ijxpatë ko ja mëj'ënä'ämpë jam wyinkony mëët ja myäytsyiptuunpë, ënät ojts ja tsyë'ëkëtë ets ënätyë t'amëtoowtë ja putëjkën pupäjtën ma Tiosën.

Éxodo 6:5

E tyam maas të nijawën wi'ix yë Israel ja'ayëty y'ëyowtën ets wi'ix yë Egiptë ja'ayëty tyiytyunëtën mëët yë tuunk mëkëtypë, paatyës tyam nja'amyetsy ja nkäjpxytyu'unënës, mëti'ipës ojts nyajwë'ëmyën.

Números 20:15

Yë n'ap n'okëtyës jap ojts Egiptë nyëjkxtë ets jap jeky tsyënaaytyë. E yë Egiptë ja'ayëty mëk ëëts të xyaj'ëyowtë, tä näjyëtu'un tuuntën ja n'ap n'okëtyës.

Números 21:22

Jamës njanaxa'antë ma miits yë mnaaxjotëtyën, ma ja mkam mtu'ujëtyën ka'apës jam ntëkëja'antë ets ma winë të xynyi'ip të xykyojtën, ni yë'ëjës nkatona'antë ja nëë mëti'ipë mjä'ä'ajtëpën, yi'iyë ja mëjtu'u ntimpyanëjkxantëpës.

Números 33:37

Ko jam tsyo'ontë Cadés, jam jyajtë ma ja Hor kopkën ma ja Edom ja tsyëpa'an nyäxyën.

Josue 15:1

Ja it naaxwiinyëtë mëti'ipë ojts ja Judá ja jyä'äy tyuka'ayën ko yaj'ijxpëtsëëmy, ja tsëpa'an jampaat ojts jyä'ty ma mëët ja Edom nyäpyäätyë; e ëpa'tkë'ëmtsow jampaat jyä'äjty ma ja të'ëts'it txëëwatyën Zin.

Daniel 6:22

Yë nTiosës yë'ëjës të xytyuknikexy yë tsajpjotmëtë kukäjpxy, mëti'ipë të t'amë'pxta'ayën yë kaa këtiipës xytsyu'utstëty, jä'ä ko yë Tios nyija'ap koos ka'apës tii ntuuntëkoy ets ka'apës ma yajkutujkpë nmëtuuntëkoy.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.