Números 20:14 - Biblia Mixe de Quetzaltepec

¹⁴ Jam Cadés jam ënäty yajpaaty yë Moisés, ko tkejxy nimäjtsk nitëkëëk yë kukäjpxy jam ma yajkutujkpën, mëti'ipë jam ënä'ämpën Edom ets t'ënëëmëtëty: Yë mjëëky mëku'uk yë'ë ya'atë aaw ayuk mtuknikäjxëtëp ets m'ënë'ëmxëty: Ko mijts wa'ats xy'ixy xynyijawë, wi'ix ëëts ja ëyo'on jotmay nmënax nyajnaxtën.

Números 20:14 ပူးပေါင်းရင်းမြစ်များ

Deuteronomio 23:7

Yë'ë tëy yë Edom ja'ayëty, këtii jëkäm jëxkë'ëm xyajwë'ëmtëty jä'ä ko mëku'uk'ajtëp yë'ëjëty. Näyjyëtu'un yë Egiptë ja'ayëty këtii jëkäm jëxkë'ëm xyajwë'ëmtëty, jä'ä ko ojts jap tëëyëp mtsëënëtë.

Malaquías 1:2

Jëtu'un yë Wintsën y'ënä'äny: Ntsojktëp nja'awëtyëp miitsëty. E miitsëty tyaa m'ëtsowtë: ¿Wi'ix ëëts nijawëtëty ko xytsyoktës xyjyawëtës? Tääts ja Wintsën y'ëtsoy: Miitsëty jëtu'un ntsoktë njawëtë tääjës ntsojkyën yë Jacob, oy ënäty ja Esaú mëët jyatu'kä'äxëty

Josue 9:9

Tää y'ëtsoowtë: Ëëtsëty jëkäm'it ntsoontës, nimintë yaa miitsëty mëët ko ja mWintsën Tios mëj'äämpy yajnikäjpxy jamtsow muum, tëëjës nijawë'atë ko ojts ja myëj'ajtën tyaj'ixyë mëjwiin këjää jap Egiptë,

Éxodo 18:8

Tä ja Moisés jap ja myë't tukmëmëtyaktaay, wi'ix ënäty ja Wintsën të tunyën ja Egiptë mëj'ënä'ämpë, näjyëtu'un tëkokyë ja Egiptë ja'ayëty ets wi'ix ënäty të yajputëkëtën ja Israel ja'ayëty, ma ja y'amay jyotmayëtyën kanaakpë ets wi'ix ja Tios të yajtso'okëtën.

Génesis 25:23

Tä yë Wintsën y'ëtsoowinpijtë: Jap mjootjoty mäjtsk yë naax kajpn jap mëjëtypë. Mäjtsk yë kajpn jap tsyiptuntë ma naamka'anëm myintënëm naaxwiiny. Tu'uk janty mëk y'ita'any këtiinëm ja wiinkpë. Yë mëjpë yë'ë naxaanp ijxtëm yë mutskpën.

Números 13:26

jam Cadés ma ja të'ëts'it të'ëtsjotmën ma ja Moisés ënäty yajpaatyën, ja Aarón ets tëkokyë ja Israel ja'ayëty. Jam tukmëmëtyaktaaytyë, wi'ix ënäty ojts të t'ixtën. Ets tuk'ijxtë ja aaytsya'am ujts tsa'am, mëti'ipë jam myëtso'ontën ma ënäty ojts të jyëtitën.

Números 20:15

Yë n'ap n'okëtyës jap ojts Egiptë nyëjkxtë ets jap jeky tsyënaaytyë. E yë Egiptë ja'ayëty mëk ëëts të xyaj'ëyowtë, tä näjyëtu'un tuuntën ja n'ap n'okëtyës.

Números 20:22

Tëkokyë ja Israel ja'ayëty jam tsyo'ontaaytyë Cadés ets nyëjkxtë jam ma Hor kopkën.

Josue 2:9

Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Tios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënäty jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Josue 9:10

ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

Amós 1:11

Jëtu'un yë Wintsën y'ënä'äny: Yë Edom ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty mëët yë tëypyujxn tpajëtijtë yë jyiiky myëku'ukëty, yë Israel ja'ayëty ets ninu'un tkapa'ëyoowtë. Ka'ap ojts kyu'uxëtë mëët ja jyoot'an, ka'ap kyijxy ja tsyip y'äkëty.

Génesis 25:25

Ja mëjëyëjpë mëti'ipë ojts ëka'any myinyën naaxwiiny, jä'ä ënäty jyä'äy'äty tsapts ets janty ni'u'kxy. Paaty ojts txëëwmo'otë Esaú.

Génesis 25:26

Ënätnën ojts näjyëtu'un ja y'uty myëxu'unk'aty jap myajts'ityë ma tyeky ixpo'kxën mëët yë kyë'ë. Paaty ojts jëtu'un txëëwmo'otë Jacob. Yë Isaac tëkë'px ënäty yë jyëmëjt, ko ojts yë Rebeca tyajminy naaxwiiny yë y'u'unk myääy nimäjtskpë.

Génesis 32:29

Ënät ja Jacob ojts näjyëtu'un tyajtëy ja naaxwiinyëtë ja'ay: Mijts ënät tyam tuk'ëwa'anëkës, ¿tii mxëëwajtyp? Tää ja naaxwiinyëtë ja'ay y'ëtsooy: ¿Wi'ixës ko yë nxëëw xyajtëy? Ënät ja naaxwiinyëtë ja'ay jämyë kyënu'kxë.