Números 20:12 - Biblia Mixe de Quetzaltepec

¹² E ja Wintsën tyaa t'ënëmaay ja Moisés ets ja Aarón: Jä'ä ko miitsëty ka'ap tu'ukyë ja mjot mwinma'any të xypyëjkta'aktë maas ëjtsën. Ets ka'apës yë nxëëw të xyajmëjnajxëtë ma Israel ja'ayëtyën. Paaty miitsëty ka'ap nëjkx mtëkëtë mëët ya'atë ja'ayëty ma ja naax kamën mëti'ipë të nmo'otën.

Números 20:12 ပူးပေါင်းရင်းမြစ်များ

Deuteronomio 1:37

Ets mëët miits mpokykyëjxmëty ojtsës yë Wintsën näjyëtu'un xytyukjoot'anpëky, etsës xy'ënëmaay: Mijts ka'ap nëjkx mtëkë ma tääpë naax kamën.

Ezequiel 36:23

Yë'ë yam ntuk'ixäämpyës yë naax kajpn wi'ixës yë nxëëw wya'atsëtyën, mëti'ipë miitsëty të xynyi'ojëtën ma tääpë naax kajpnëtyën; koos ënäty ntuny ja nmëj'ajtënës ënät nëjkx tnijawëtë ko ëjts Wintsën. Ëjts Wintsën, ëjts ënaanp.

Números 27:14

Ya'atë jä'äkyëjxm jëtu'un jyäty kyëpety koos ojts miits ja n'aaw n'ayuk ka'ap xymyëjpëjktakëtë, jam ma ja të'ëts'it të'ëtsjot txëëwatyën Zin. Ko ja nëë ojts t'amëtowtë ja Israel ja'ayëty miitsëty ka'ap ja näywyinkutsë'kën xyaj'ijxëtë maas ëjtsën. Jam jëtu'un jyäjty kyëpejty ma txëëwatyën ja nëëjut Meribá, jam Cadés mëti'ipë Zin nyitënääpyën.

Números 20:24

Tëë yë xëëw po'o tpaaty ma Aarón y'o'knëtyën. Yë'ë ka'ap nëjkx tyëkë ma ja naaxwiinyëtën mëti'ipës yë Israel ja'ayëty të nmo'otën. Jä'ä ko miitsëty ojtsës ja n'aaw n'ayuk xyjyënajxëtë jam ma ja nëë pyëtsiimyën tsaajoty, mëti'ipë xyëëwajtypyën Meribá.

Romanos 4:20

Ka'ap ojts tmëjot'amutskë ja Tios ja wyaantakën, wäänëni'ik jyaak timmyëpëjky. Ojts ja Tios tmëjjawë tjaantyjyawë,

Lucas 1:45

Akujk jotkujk mijts ko të xymyëpëky ets jëtu'un tyunëtëty jyatëtëty wi'ix ja Wintsën të mnë'mxëtyën.

Lucas 1:20

E tyam, mëët ko ka'ap të xymyëpëky wi'ix të n'ënëëmën, uum mwë'ëma'any; jäänëm mkajpxë'ëkëty ko tu'kë'ëyë tyunëtëty jyatëtëty mëti'ipë yam ntukmëmëtyäkpyën.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Isaías 8:13

Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Tios të xykyënu'kxëmë ets të xytyuknija'awëmë ja tëypyë jaantypë.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Ezequiel 38:10

Ëjts, Wintsën, ëjts ënaanp: Jä'ä xëëw jä'ä jëmëjt nëjkx ëxëëk winma'any mjotëkëty.

Ezequiel 20:41

Ko ënäty nwoowmujkta'atës ets nyatso'onta'atës maajaty tyam yajpaatën wiink kë'ëy wiink kajpn, nëjkxëpës nyajnikëxë'ëkëty wi'ixës mëtëy tii ntunyën ma miitsëtyën ets ma wiinkëtypë naax kajpnën, ënät nkupëkëtyës ja mwintsë'kënëty oypyë xyuuky jyokyën.

Isaías 7:9

Yë Efraín ja'ayëty Samaria nikopk'ajtëtëp, yë Samaria ja'ayëty Remalías nikopk'ajtëtëp. Pën miitsëty ka'apës yë n'aaw n'ayuk xymyëpëjkëtë, tyam yajxon ntimy'ënëëmëtë ko nëjkxëp mkutëkooytya'atë.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënäty tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

Josue 1:2

Jä'ä ko tëëjës ja ntuunpë Moisés y'o'knë, tyam mijts ënät mpatëp xytyuknaxëty yë Jordán mëjnëë ets xywyoownaxëty ja naax kajpn ets mja'tëty ma ja it naaxwiinyëtën mëti'ipë nmo'ojantëpën.

Deuteronomio 34:4

Tä ja Wintsën y'ënëmaayë: Ya'atë it ya'atë naaxwiinyëtë jëtu'un ojts ntukwinwanëtës yë Abraham, Isaac ets Jacob ets n'ënëmaaytyës yë y'u'unk y'okëty yë'ë nëjkx ya'atë naaxwiinyëtë tjä'ä'atë. Täätsës të ntuknipëjktaakë, ko mijts oy je'eyë jëkäm xyjyaaknajts'ixëty, jä'ä ko ka'ap nëjkx jam m'ëk ja'ajnë.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

Números 11:15

Pën jëtu'un xyajtuna'anyës, ni'ikë tim yaj'o'kës pën xy'oyjya'apës. Jëtu'un ka'ap ëyo'on jotmay nyajnaxëtyës.

Deuteronomio 4:21

E mëët ko miitsëty ka'ap ninu'un mkäjpxyjyä'äkyukëtë, ojtsës yë Tios xytyukjoot'anpëky ets y'ënäny ko ka'apës ntëkëty jam ma oy it oynyaaxën, mëti'ipë miits mjä'ä'atantëpën, ma yajtuknaxa'anyën ja Jordán mëjnëë.

Salmos 99:8

Wintsën mëti'ipë ëëtsëty nTios'ajtëpën, mijts ojts xy'ëtsoy. Jä'ä ojts mijts mTios'aty pojkpëmä'kxpë ma yë'ëjëtyën, je'eyëp ko ojts näjyëtu'un xytyiytyuny ko muum tyëkooytyë.

Salmos 106:32

Ojts näjyëtu'un yë Tios tyajjoot'anpëktë jam ma ja Meribá mëjmejyën, Moisés ëxëëk ojts tkujatë jëtu'unpë ja ëxëëk jot ëxëëk winma'any,