Números 20:11 - Biblia Mixe de Quetzaltepec

¹¹ Ko ja Moisés jëtu'un y'ënäny, ënät ja kyë'ë txajë'ky ets ojts mäjtsk'ok twopy ja tsaa mëët ja tyajk. Tääts ja komnëë pyëtsiimy. Jëtu'un ja nyëë tpatë mëti'ipë y'uktën ja ja'ayëty ets ja jëyujk tsajpkaajëty.

Números 20:11 ပူးပေါင်းရင်းမြစ်များ

1 Corintios 10:4

nän yë'ë nëë y'uktë mëti'ipë tsaajoty pëtsëëmën. Ja tsaa yë'ë ja Kristë, mëti'ipë ënäty mëët tyu'uye'eytyën.

Éxodo 17:6

Jam n'ëwxita'any ma Horeb kopkën, ma tu'uk yë tsaatun kupi'tykyën. Ko tääpë tsaa xywyojpyu'kxëty, ënät jap myäypyëtsëma'any yë nëë ets yë'ë ja ja'ay y'uuktëp. Ko jëtu'un ja Moisés tuuny, tam ënäty t'ixtë ja mëjja'aytyëjkëty, mëti'ipë nyimëjja'ay'ajtëpën ja Israel kajpn.

Deuteronomio 8:15

Ets ojts myajjëtitëtë jam të'ëts'itjotm ma ënäty jam yë ëwa'anëtypë jëyujk yajpaatën, tä tsa'anyën, kaa jëyujkën, yë kä'pyën ets ma ka'ap yajpaatyën ja nëë; e yë'ë ojts yë myëj'ajtën tyaj'ixyë, ojts ja nëë tyajpëtsëmy tsaajoty ets myajnëë'ukëtë.

Números 20:8

Kajpë'ëk ja mtajk ets mnäypyutëkëtëty mëët yë m'ajty Aarón ma ja naax kajpn xyajtu'ukmuktëtyën. Ma ënäty jam jëtu'un të tyu'ukmujkta'atën. Ënät ja mëjtsaa xymyëkajpxëty ets jap ja nëë myuutëty ets nyëë'uuktëty ja mayjyä'äy ets ja jyëyujkëty.

Santiago 1:20

Jä'ä ko ja ja'ay win'äkëpë, ka'ap yë'ë tuny mëti'ipë Tios tsyojkpyën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Oseas 13:5

Ëjts ojts mijts nkëwent'aty jam të'ëts'itjotm ma nëkooyë y'aanën.

Salmos 78:16

Tios ojts tyajpëtsëmy yë nëë tsaajoty ets tyaj'awinpijty komnëë.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

1 Samuel 15:24

Ënät ja Saúl t'ënëmaay ja Samuel: Tëyajtën tëëjës njantytyëkoy mëët koos ja Wintsën ja y'ënä'ämën ka'ap të nmëjpëjktakë ets tääjës mijts të xyjya'ënëëmën: ka'apës jëtu'un të ntuny mëët koos të ntsë'ëkë ja ja'ay etsës yë'ë të ntuny mëti'ipë ënäty yë'ë y'amëtoowtëpën

1 Crónicas 15:2

Ënät ja ënä'ämën ojts tyajwë'ëmy ets y'ënäny: Ka'ap tjëkyepy ni pën tonëty yë Wintsën yë kyaaxë, yi'iyë Leví jyä'äy patëtëp tontëty, jä'ä ko yë'ë kë'ëm yë Wintsën të wyin'ixëtë ets jam xëmë tyuntëty ma yë'ëjën.

1 Samuel 15:19

¿E wi'ixts ko ënät ja y'ënä'ämën të xykyumëtoownaxy? ¿Wi'ix ko të xyjyä'äpëjkpë mëti'ipë ja mëtsip të xypyëjkën ets ënät winë tëkatsy xytyuny Wintsën wintuuy?

Levitico 10:1

Ënät yë Nadab ets Abihú, Aarón yë myaank ojts tjëjpkonëtë yë jyëëntsijtkëty ets tjëënmooytyë yë poom jam ma wintsë'këntyaknën mëti'ipë ka'ap yë Tios të tni'ënä'ämën. Ajotkumonë ojts jëtu'un wyinma'anypyaatë.

Salmos 74:15

Mijts ojts xyajkupëjy yë nëë wok ets mëjnëë, ojts näjyëtu'un yë nëë muum xyajtë'ëtsy ma ënäty ka'ap y'ëmaaytyä'äkyën.

Salmos 78:15

Jam të'ëts'itjotm mäjtskpëky ojts tyajkë'ëtswä'kxy tu'uk yë mëjtsaa, ets tyajnëë'uky yë mayjyä'äy.

Salmos 78:20

Tëyajtën ko yë Tios ojts tjantyyajkë'ëtswä'kxy tu'uk yë tsaakopk; ets jap yë nëë tyajpëtsëëmy tä tu'uk yë mëjnëëjën, ets tyajtsa'amëy ja naax; ¿jyëkyejpy jëtää näjyëtu'un tyakëty ka'ayën ukënë? ¿jyëkyejpy jëtää tmo'ojëty yë tsu'utsy yë nyaax kyajpnë?

Salmos 105:41

Ojts tyajpu'uwä'kxy yë tsaa ets nëë jap tyajpëtsëëmy mëti'ipë tyukye'eyëtyääyën ja të'ëts'itjot tä tu'uk mëjnëëjën.

Salmos 114:8

Yë'ë ojts tyaj'awinpity yë tsaato'okyjot nëë'akëyë. Yë'ë ojts tyaj'awinpity yë tsaatun nëëkopk.

Isaías 43:19

Ëjts jemyës yam winë ntuna'any, ets timtyämyë nyajwinkëxë'ëka'anyës. Nyajkojäämpyës tu'uk në'ë tu'u jam të'ëts'itjotm ets tu'uk mëjnëë ma ka'ap tii yony jyiitsyën.

Isaías 48:21

Oy ojts jyanaxtë jam të'ëts'itjotm, ka'ap nëëtëëtsë tmëët'ajtë; jä'ä ko Tios ojts yë nëë tyajpëtsëmy tsaajoty, je'eyë ja tsaa tjëkëëy ets jap ja nëë tyajpëtsëëmy.

Jueces 15:19

Paatykyëjxm ojts yë Tios jam tu'uk yë nëëjut tyaj'ëwa'atsy Lehi ets Sansón nyëë'uky, ko nyëë'uktaay janty ku'uxyë ojts nyäjyawëty; paaty ja nëëjut ojts xyëëpety En-hakore, ja jampë tyampaat yajpaatyën Lehi.