Números 20:10 - Biblia Mixe de Quetzaltepec

¹⁰ Ënät ja Moisés mëët ja Aarón ojts ja naax kajpn tyajtu'ukmujkta'atë jam ma ja mëjtsaajën ets ja Moisés t'ënëmaay ja naax kajpn: Mëtowtë yajxon miitsëty, käjpxy kumëtoownajxpë. ¿Yë'ë mtsojktëp ets ëëts yë nëë nyajpëtsëmtëty jap tsaajoty ets mnëë'uuktëtyë?

Números 20:10 ပူးပေါင်းရင်းမြစ်များ

Santiago 3:2

Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Deuteronomio 9:24

Ix tää yajnijawë ko jëtu'un xytyimyajtu'uye'eytyë, tyimtso'ontäky ma ojts ëka'any n'ixy'ajtë'ëktën je'eyë nëkoo Wintsën xykyäjpxykyumëtoownajxtë.

Génesis 41:16

Ëjts ka'apës tääpë xypyääty nkajpxwa'atsëtyës yë mkuma'ay, jëtu'un y'ëtsooy yë José. E Tios yë'ë yakäämpy yë kajpxwinpijtën mëti'ipë mijts mtuk'oy'atëpën.

Génesis 40:8

Ya'atë tsu'umës të nwinkuma'atë ets ka'ap pën mëti'ipë mëpaat tyajniwijyën, jëtu'un y'ëtsoowtë. ¿Tii këtii yë'ëjëtyë Tios mëti'ipë xytyukyajniwijëmën winë? Jëtu'un ojts yë José y'ënä'äny: Tukmëmëtyaktëkës mëti'ipë të xykyuma'atën.

1 Corintios 3:7

Mëti'ipë niptëpën ets mëti'ipë yaj'ujtsxo'ktëpën, ka'ap yë'ëty nätyu'uk myëta'aktë; Tios tu'uk tyuuntääpy winë, yë'ë yajyoomp ja aay ujts.

Éxodo 17:6

Jam n'ëwxita'any ma Horeb kopkën, ma tu'uk yë tsaatun kupi'tykyën. Ko tääpë tsaa xywyojpyu'kxëty, ënät jap myäypyëtsëma'any yë nëë ets yë'ë ja ja'ay y'uuktëp. Ko jëtu'un ja Moisés tuuny, tam ënäty t'ixtë ja mëjja'aytyëjkëty, mëti'ipë nyimëjja'ay'ajtëpën ja Israel kajpn.

Números 20:24

Tëë yë xëëw po'o tpaaty ma Aarón y'o'knëtyën. Yë'ë ka'ap nëjkx tyëkë ma ja naaxwiinyëtën mëti'ipës yë Israel ja'ayëty të nmo'otën. Jä'ä ko miitsëty ojtsës ja n'aaw n'ayuk xyjyënajxëtë jam ma ja nëë pyëtsiimyën tsaajoty, mëti'ipë xyëëwajtypyën Meribá.

Salmos 78:16

Tios ojts tyajpëtsëmy yë nëë tsaajoty ets tyaj'awinpijty komnëë.