Números 20:1 - Biblia Mixe de Quetzaltepec

¹ Ma mëtu'kpo'o tsyo'ontä'äkyën jajëmëjt, yë Israel ja'ayëty jam jyajtë ma ja it naaxwiinyëtë aanë'ëk tëëtsë'ëkpë Zin itjotm ets jam tsyënaaytyaknpëjktë Cadés, ma y'o'kyën ets nyaaxtëjkëyën yë Maria.

Números 20:1 ပူးပေါင်းရင်းမြစ်များ

Génesis 14:7

Ko ojts wyimpijnë ja Quedorlaomer mëët ja mayjyä'äy jënu'un ënäty të jyämyëët'atyën, ënät jyajtë jam En-mispat, mëti'ipë näjyëtu'un yajtijpën Cadés ets tyajma'taaytyë, tyajkutëkooytyääytyë jënu'un winë tpatën ma ja Amalec ja'ayëty ja nyaax kyajpnëtyën. Näyjyëtu'un ojts jam y'ëtë'ëtstë ma ja Amor ja'ayëtyën, mëti'ipë jam tsënaaytyëpën ma tu'uk ja it naaxwiinyëtë mëti'ipë yajtijyën Hazezón-tamar.

Salmos 29:8

yë Wintsën yë y'aaw y'ayuk yaj'yu'kxyp yë naaxwiinyëtë jam ma y'anë'ëk tyëëtsë'ëkëtyën; yaj'yu'kxyp yë naaxwiinyëtë jam ma Cadés itjotmën, anë'ëkpë tëtsë'ëkpë.

Éxodo 15:20

Ënät ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty.

Éxodo 2:4

Ojts näjyëtu'un t'ënëëmë tu'uk ja tsyë'ë ets najëkäm t'ixëty tunëty pën wi'ix ja y'uty jyäty kyëpety.

Éxodo 2:7

Ënät ja mëxu'unk ja tsyë'ë ojts twinma'anymyo'oy ja yajkutujkpë ja nyëëx: ¿Nëjkxës n'ëkwoy tu'uk yë u'unktaak, mëti'ipë hebreo ja'ayën ets yë'ë tääpë mëxu'unk tyajtsi'itsëtyë?

Ezequiel 47:19

E yë ëpa'tkë'ëytsyowpë jam tsyo'onta'akëty ma Tamar y'itjotmën, nyajxë'ëkëty jam Meriba-cades ets nyaxëty ma Egiptë wokën ets tyimja'tëty ma Mejyën Naax'akujkpyë.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënäty mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Números 12:1

Ënät yë Maria ets Aarón ojts tyëkëtë kajpxpë, yë'ë Moisés nyi'ojëtyëp, mëët jä'ä ko ënäty yë'ë mëët të pyiky yë to'oxytyëjk mëti'ipë Etiopíë tso'onpën.

Números 12:10

Ko ja yoots jam jyëwä'ky ma ja wit tëjkën ma ja Tios kyëtä'äkyën. Ënät ja Maria ojts ja leprë pu'uts tyukpëtsëëmta'ayë, poop ja nyini'kx ojts y'awinpity. Ko ja Aarón y'ijxwinpijty, ënät t'ijxy ko tëëtëm ja pu'uts pa'am ja Maria nyatukpëtsëëmtaayënë.

Números 12:15

Jëtu'un'äämpy ja Maria ojts yajjuuty kajpnjoty ets wëxtujk xëëw jam jëkämy y'ijty. E ja naax kajpn ojts jam pyo'oxy ma ënäty jam yajpaatyën.

Números 13:21

Ënät ja ye'etyëjktëjk ojts tsyoontë ets jyajtë ma tu'uk yë it naaxwiinyëtën aanë'ëk tëëtsë'ëkpë, jä'ä txëëwaty Sin ets ëpa'tkë'ëytsyow yajpaaty. Ojts jam t'ixtë tuntë tääpë it naaxwiinyëtë. Ojts tukjëtijtëtya'atë ya'atë it, tyajtso'ontaktë jam Sin ets jyajtë ma Rehob kajpnën, anëkëjxytsyow yajpaaty. Winkon mëët wyi'imy ma yajnitëkën yë Hamat kajpn.

Números 13:26

jam Cadés ma ja të'ëts'it të'ëtsjotmën ma ja Moisés ënäty yajpaatyën, ja Aarón ets tëkokyë ja Israel ja'ayëty. Jam tukmëmëtyaktaaytyë, wi'ix ënäty ojts të t'ixtën. Ets tuk'ijxtë ja aaytsya'am ujts tsa'am, mëti'ipë jam myëtso'ontën ma ënäty ojts të jyëtitën.

Números 20:16

Ënät ojts n'amëtowtës yë Wintsën yë putëjk pupäjtën. Tääts tkejxy tu'uk yë Wintsën kyukäjpxy mëti'ipës xyajpëtsëëmtën jap Egiptë. E tyam, yam ëëts nyajpaatë ma ja it naaxwiinyëtë txëëwatyën Cadés, winkon ma mtsëpa'an nyaxtën.

Números 20:22

Tëkokyë ja Israel ja'ayëty jam tsyo'ontaaytyë Cadés ets nyëjkxtë jam ma Hor kopkën.

Números 20:28

Jam ojts yë Moisés tuknijääntutnë ja Aarón ja wyit mëti'ipë myëteety'äjtypyën ets jä'ä tukxojxy ja Eleazar. Jam kopkkëjxm jämyë ja Aarón y'o'ky ets ojts je'eyë nimäjtsk jyënajknëtë, yë Moisés mëët Eleazar.

Números 26:59

Yë Amram yë'ë ojts mëët pyiky yë Leví nyëëx mëti'ipë xyëëwajtypyën Jocabed, yë Jocabed jap myëxu'unk'ajty Egiptë, jap ënäty yë Leví jyuuky'ätynyëm. Yë Amram ets Jocabed, yë'ë ojts yë Aarón, Moisés ets Maria teety'at taakatë.

Números 27:14

Ya'atë jä'äkyëjxm jëtu'un jyäty kyëpety koos ojts miits ja n'aaw n'ayuk ka'ap xymyëjpëjktakëtë, jam ma ja të'ëts'it të'ëtsjot txëëwatyën Zin. Ko ja nëë ojts t'amëtowtë ja Israel ja'ayëty miitsëty ka'ap ja näywyinkutsë'kën xyaj'ijxëtë maas ëjtsën. Jam jëtu'un jyäjty kyëpejty ma txëëwatyën ja nëëjut Meribá, jam Cadés mëti'ipë Zin nyitënääpyën.

Números 33:36

Ko jam tyo'ontë Esión-guéber, jam jyajtë ma ja të'ëts'itjot txëëwatyën Zin, jampë Cadés.

Deuteronomio 1:46

Paatykyëjxm jëtu'un ojts jekpyaat mwë'ëmtë tsënääpyë ma ja Cadés y'itjotmën.

Deuteronomio 2:14

Jä'ä xëëw maas ntso'ontën jam Cades-barnea ets koos ntuknajxtë ja Zéred nëë wok, jä'ä ënäty ja xëëw jëmëjt të nyanajxnë i'px majkmokx tëkëëk jëmëjt. Ja jotmëkja'aytyëjkëty ets ja tsip'ixyëtypë tëë ënäty y'o'ktaaynyëtë, jëtu'un tä ja Wintsën ënäty të tnikäjpxyën mëët ja aaw ayuk kutujkënmëëtpë.

Deuteronomio 32:51

Miitsëty nimäjtsk mëët yë m'ajty Aarón, ka'apës ojts xywyinkutsë'ëkëtë jam Meribá-Cadés, jam të'ëts'itjotm ma Zin yë y'itjotmën; ma ja nëë pyëtsiimyën tsaajoty ko ja Israel ja'ayëty ojts xytyukjoot'anpëktës, miitsëty ka'apës ojts xymyëjjawëtë.

Jueces 11:16

Koos jap ntso'ontë Egiptë, jëyëjpës ntuknajxtë yë Tsapts Mëj mëti'ipë yajtijpën Ookpyë Mejy etsës nja'ajtë jam Cadés.