Números 2:31 - Biblia Mixe de Quetzaltepec

³¹ Jëtu'un nëjkx ja Dan ja tsyënaaytyakn wyi'imy tëkëëkpëky, jam y'itëty ja tsiptuunpëtëjk ets jä'ä nëjkx nyiwinë'atë mëko'px ja wëxtyikxy majkmokx mäjtsk mil ja tëtujk mëko'px. Aakyë'ë ye'etyëjkëty mëti'ipë nëjkx tukjëjpkëxtën ja wääpy'ajtën mëët ja myëjwit wintëy.

Números 2:31 ပူးပေါင်းရင်းမြစ်များ

Números 10:25

E jam tim ix'amnë ma ja tsiptuunpëtëjkëtyën, yë'ë ojts jam nyäwyaapëtë ja tsiptuunpëtëjkëty mëti'ipë jyä'äy'äjtypyën yë Dan ets yë'ë tsiptuunpë wintsën'ajtp yë Ahiézer, yë myaank yë Amisadai.

Números 2:16

Jëtu'un'äämpy jam tëkëëkpëky nyäwya'kxëtëty ja tsiptuunpëtëjkëty ma Rubén yë tsyënaaytyaknën, jä'ä nyiwinë'atëty mëko'px ja wëxtyikxy majk tu'uk mil ja taxk mëko'px ja wëxtyikxy majk, aak ye'etyëjk. Yë'ë nëjkx ye'eytyë ma ja mëmäjtsk këëyi'ikpyën.

Números 2:24

Jëtu'un'äämpy jam tsyënaaytyaknpëktëty yë tsiptuunpëtëjkëty tëkëëkpëky ma Efraín yë tsyënaaytyaknën. Jä'ä nyiwinë'atëty mëko'px ja tuktujk mil ja mëko'px, aak ye'etyëjktëjk, mëti'ipë nëjkx ye'eytyën ma ja mëtëkëëk këëyi'ikpyën.

Números 2:9

Jëtu'un'äämpy nyäwya'kxëtëty tëkëëkpëky ja tsiptuunpëtëjkëty ma ja Judá ja jyä'äyëty tsyënaaytyaknpëka'antën, jä'ä nyiwinë'atëty mëko'px ja majkta'px tëtujk mil ja taxk mëko'px, aak ye'etyëjktëjk mëti'ipë jëjp'am ye'eytyëpën.

Números 2:30

Ets jaaymyujkën jä'ä tnikäjpxy nyimay'atë wëxtyikxy majktëkëëk mil ja taxk mëko'px, aak ye'etyëjktëjk.