Números 2:17 - Biblia Mixe de Quetzaltepec

¹⁷ E ja Leví ja'ayëty yë'ë ye'eytyëp ma ja mëtëkëëk këëyi'ikpyën. Jä'ä t'antijy ko itkujky ye'eytyëty, ma mëët ja mëmajktaxk këëyi'ikpyën ja tsiptuunpëtëjkëty nyäpyaatëtën. Yë'ë myënëjkxtëp tëkokyë jënu'un mëët yajtukkojyën ja wit tëjk ma ja näpyaatë y'ityën mëët yë Tios. Ma ja mëmajktaxk këëyi'ikpyë ja tsiptuunpëtëjkëty mäjtsk këëyi'iky nëjkx ye'eytyë jëjp'am. Tu'knax ye'eytyëty jëtu'un tä ënäty muum tsyënaaytyaknpëktën ets aakyë'ë pyaye'eytyëp mëti'ipë myëjwit wintëy'ajtëpën.

Números 2:17 ပူးပေါင်းရင်းမြစ်များ

Números 10:21

Ënät ojts näjyëtu'un tsyoontë mëti'ipë yë Quehat jyä'äy'äjtypyën, mëti'ipë myënëjkxtëpën ja apëjk atu'unën jënu'un jap tyunyën ma Tios ja wyittëjkën mëti'ipë ëmaayëtyën. Ko ijty jam jya'të ma ënäty jya'ta'antë, kojy tukja'anëtë ja Tios ja wyittëjk.

Números 10:17

Ënät ojts tkäjta'atë ja Tios ja wyittëjk, tääts ja Guersón ja y'u'unk y'ok ets ja Merarí y'u'unk y'ok tmëtu'utëjkëtyë tëkokyë winë jënu'un ënäty mëët tyunyën. Jä'ä ko yë'ë ënäty të yajtuknipëktë ets yë'ë muum tmënëjkxtëty.

Colosenses 2:5

Oyës kë'ëm nkatimjam'aty, tamës ja nja'awën y'ity ma miitsëtyën ets jotkujkës näjyawëtëty jä'ä ko oy yajxon xytyuntë ets ko tu'ukyë xymyëpëktë ja Kristë.

1 Corintios 14:40

Tuntë tu'kë'ëyë winë oy tsuj, në'ëwitsy tu'uwitsy.

Números 3:38

E jam xëëwpëtsëmtsyow, ma nyajts'ixën ja Tios ja wyittëjk ets wintuuytsyow ma nyajts'ixën ja wit tëjk ma ja näpyaatë y'ityën mëët yë Tios. Yë'ë ojts jam tsyënaaytyaknpëktë yë Moisés ets Aarón mëët yë myaankëty, mëti'ipë ojts tkëwent'atën ya'atë tsajptëjk ets jëtu'un'äämpy may tkutënaaytyë yë Israel ja'ayëty. Ko ijty pën nanëkoo t'atsoky ja teety tyuunk, o'kp ijty.

Números 2:1

Ënät ja Tios ojts tmëkäjpxy ja Moisés ets ja Aarón tä t'ënëmaay:

Números 2:18

E matsow yë xëëw kyëtä'äkyën yë'ë jam tsënaaytyaknpëktëp yë tsiptuunpëtëjkëty, mëti'ipë pyaye'eyantëpën yë Efraín yë myëjwit wintëy. Yë tsiptuunpëtëjkëty mëti'ipë jyä'äy'äjtypyën yë Efraín, yë'ë jam tsiptuunpë wintsën'ajtp yë Elisamá yë myaank yë Amiud.