Números 19:9 - Biblia Mixe de Quetzaltepec

⁹ Ënät wiinkpë ja ja'ay mëti'ipë wa'ats yajpatpën Tios wintum, nëjkx tyajmuky ja jaam mëti'ipë të wyintooykyëtä'äkyën ma ja tsajpkaa të nyitoyën ets jam kajpnpë'am tpëjkta'akëty ma tu'uk itjotmën wa'atspë. Tääpë jaam yë'ë yë Israel ja'ay yajtuntëp, ko ja nëë tyaj'oyëtëty mëti'ipë yajtukkënu'kxpën tii winë. Tëkokyë ya'atë, yë'ë jëtu'un wintsë'kën'ajtp, mëët ko ja tuuntëko'oyën y'ity.

Números 19:9 ပူးပေါင်းရင်းမြစ်များ

Hebreos 9:13

Ja tsajppax ne'pyny, tsajpkaa ne'pyny ets ja tsajpkaato'oxy ayääkë ja nyijaam mëti'ipë të tyooykyëtä'äkyën ma ja wintsë'këntyaknën, tëët yajtukniwëjtë mëti'ipë pokymyëëtëtyen, jä'ä ko myëët'ajtyp ja kutujkën ets yajwa'atsëty.

Números 19:13

Pën tyoompy yë o'kpë ets ka'ap ja wa'atsajtën tpaaty Tios wintum, yë Tios yë wyittëjk yaj'ëxëëktëjkëp, e paaty nëjkxëp yajjo'otsy ja xyëëw ma ja Israel kajpnën, jä'ä ko ka'ap ja kënu'kxynyëë të yajtuknixijkxy.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Tios, tsojk ntu'unëm ja oypyë ets ja wa'atspë Tios wyintuuy.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Números 19:18

Ënät tu'uk yë ja'ay mëti'ipë wa'ats yajpatpën Wintsën wintum. Tpëjkë'ëkëty tu'uk yë hisopo ujts ets tukpapëkëty yë nëë, tääts tuknixijkxëty ja wit tëjk ets ja apëjk atu'unën, tä yë tsim texyën, nëëtu'ts nëëtsiiyën. Ets näjyëtu'un ja ja'ayëty mëti'ipë ënäty jap të yajpaatën, mëti'ipë ja o'kpë të tonyën, wä'än tyë'ëjëty ja o'kpë mëti'ipë pa'am të yaj'ookyën ëkë ja'ay të yaj'ookyën.

Números 9:13

E pën ka'ap tmëjjawë yë ëmaayxyëëw ets ka'ap maa të nyijkxy ets jyanija'ap ko mëpaat tnixëëwtuny ja ëmaayxyëëw, kopkpëky ko nëjkx yajjo'otsy ma myëkunaax myëkukajpnën ets näjyëtu'un pën ka'ap të tyäky ja ayajk ako'onën ma ja Tiosën mëti'ipë paat'ajtëpën ma tnixëëwëtyën, nëjkxëp näjyëtu'un tkumëtoy.

Números 8:7

Ko ënäty ja kënu'kxynyëë yajtukujaaxtë Wintsën wyintum, ya'atë jëtu'un mëpaat xytyuntë. Mijts, yë'ë mtuknixijkxëp ja kënu'kxynyëë mëti'ipë mëët winë yajtukkënu'kxyën. E ko ënäty jëtu'un të xytyuny tääts yë'ëjëty nyäjyäpëtëty ma tëkokyë nyi'kx kyopkëtyën ets ja wyit näjyëtu'un tpujtëty tjä'ätstëty. Jëtu'un'äämpy wa'ats wyë'ëmtëty.

Números 6:12

Jëtu'un tyajtso'onta'akëty ja xyëëw jyëmëjt, ma ja Tios tmëtunëtyën. Ja mëjëyëjpë ka'ap kyëwentëtëkëty jä'ä ko ja kyuwaay tëë ënäty y'ëxëëkë. Myënëjkxëp tu'uk yë kupixyny mëti'ipë jyëmëjtën tu'uk ets Tios tukwintsë'ëkëty, mëët ko ënäty të pyokytyëkë.

Levitico 15:20

Pën maa yë'ë nyaaxweetsy ma ënäty tyukjënäkyën ja jyot myëjaaw, ëxëëk y'awinpitëty; näjyëtu'un ma myä'äy pyo'kxyën ëxëëk jam y'awinpitëty.

Números 19:3

Ets xytyukkë'ëtëkëtëty yë teety Eleazar, yë'ëts jam kajpnpë'am myënëjkxëp ets yë'ë wyintum xyaj'ooktëty.

Números 19:8

E ja ja'ay mëti'ipë ënäty ja tsajpkaato'oxy të tnino'okyën, nëjkxëp ja wyit tpujy ets tsyi'iwëty, mëët ja nëë mëti'ipë winë yajtukkënu'kxpën ets ëxëëk nëjkx wyi'imy tsuupaat Tios wintum.

Números 19:17

Ko jëtu'unpë ja ëxëëkajtën pën pyaatëtëty, yë'ë nëjkx wäänë twooky ja kuyjyaam ma ja tsajpkaato'oxy ënäty të wyintooykyëtä'äkyën, mëti'ipë ja nëë poky të yajtukunaxyën. Jap yaj'ako'owëty ma tu'uk yë apëjkënën ma ja nëëwooky yajtukutämëtyën.