Números 19:6 - Biblia Mixe de Quetzaltepec

⁶ Tääts ënät ok ja teety t'ixëty tu'uk ja ajë kepy ets tu'kxe'enty yë hisopo ujts ets tu'kwitsy yë tsaptswit ets tu'kë'ëyë tjëënkupëjkta'ajëty jap ma tsajpkaato'oxy nyitoyën.

Números 19:6 ပူးပေါင်းရင်းမြစ်များ

Levitico 14:4

Ënät tuk'ënä'ämëty yë ja'ay, mëti'ipë ënäty wa'atsaanpën ets tmëminëty mäjtsk yë joon, mëti'ipë juukyën ets wa'atsën ets tmëminëty näjyëtu'un yë ajë kepy, witëty mëti'ipë tsapts yë y'ujkën ets hisopo ujts.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Levitico 14:49

Ko ja tëjk wya'atsa'anëty, mäjtsk nëjkx yë muuxy t'ixta'atë ets ajë kepy yë tsaptswit ets tu'k'apity yë hisopo ujts.

Levitico 14:6

Ënät tmatsëty ja joon mëti'ipë juukyën ets tkajpë'ëkëty ja ajë kepy ets tpëjkë'ëkëty ja tsaptswit ets ja hisopo ujts ets nëjkx tukpatijta'ay ja nye'pny ja joon mëti'ipë ënäty të y'ookyën.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënäty ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënäty jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.