Números 19:4 - Biblia Mixe de Quetzaltepec

⁴ Ënät yë teety Eleazar, mëët yë kyë'ëwa'axy wäänë yë ne'pny tpaxajë'ëkëty ets wëxtujk'ok tnajtsxijkxëty ma ja wit tëjkën ma ja näpyaatë y'ityën mëët yë Tios.

Números 19:4 ပူးပေါင်းရင်းမြစ်များ

Levitico 4:17

Tääts jap tpaxajë'ëkëty ets txijkxjëtitëty wëxtujk'ok jam Tios wintum, winkon ma jam wyit'atëëytyukëtyën.

Levitico 16:14

Tääts näjyëtu'un wäänë ja tsajpkaa ne'pny tpëjkë'ëkëty, mëti'ipë ënäty të wyintsë'kën'atyën ets jam txijkxjëtitëty ma ja Wintsën ja kyaaxë akë'ë ja pya'ajën, mëti'ipë najts'ijxëpën matsow ja xëëw pyëtsimyën. Ënät näjyëtu'un wëxtujk'ok jam txijkxjëtitëty ma ja potsyën ma ja wintsë'kën yajyäkyën.

Levitico 4:6

ënät ja kyë'ëjëjp näjyëtu'un tukpaatëty ja ne'pny ets yë'ë mëët jam txijkxjëtitëty Tios wintum wëxtujk'ok, jam winkon ma jam ja tsajptëjk mëët ja wit y'atëëytyukëtyën.

Levitico 16:19

ets mëët yë kyë'ëwa'axy wëxtujk'ok tuknixijkxëty yë ne'pny ja potsy ma ja wintsë'këntyaknën. Jëtu'un'äämpy ënäty wyä'ätsy ja wintsë'këntyakn ma ja Israel ja'ayëty ja nëë poky tmëët'atën ets ënät tkënu'kxëty.

1 Pedro 1:2

mëti'ipëjaty ja Tios Teety ojts wyinwitsëtën tëëyëp ijxtëm yë'ë të tuknipëjktaakën. Ja Tios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Tios ni'ik mmo'ojëtë ja kënu'kxën ets ja jotkujk'ajtën.

Hebreos 12:24

tëë ja Jesús xymyëwinkontë, mëët ko ja Tios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.