Números 19:21 - Biblia Mixe de Quetzaltepec

²¹ Ya'atë ënä'ämën xëmëkyëjxm y'itëty. Pën ënäty ja myëku'uk ja kënu'kxynyëë tyuknixijkxyp kopkpëky ko ja wyit tpujëty. Pën ja kënu'kxynyëë ënäty të tony ëxëëk nëjkx wyi'imy ets jëtu'un tyimkutsu'ujëty.

Números 19:21 ပူးပေါင်းရင်းမြစ်များ

Hebreos 10:4

jä'ä ko ka'ap ja tsajpkaa ne'pyny, tsajppax ne'pyny yajpokywyä'ätsy.

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

Hebreos 7:19

jä'ä ko ja Moisés ja y'ënä'ämën nitii ojts oy wa'ats tkayajwë'ëmy, ëëtsajtëm yë'ë jawäänë oypyë njëjp'ijxëm, paaty nmëwinko'onëm ja Tios.

Levitico 11:40

Pën ja nyitsu'uty tsyu'tsëp ja jëyujk, mëti'ipë kë'ëm të y'ookyën, nëjkxëp tpujy ja wyit ets wyë'ëmëty ëxëëk tyimkootsëty jëtu'un. E pën näjyëtu'un jyu'tpëtsëëmpyën jutjoty ja jëyujk'ooky, ëxëëk näjyëtu'un nëjkx wyi'imy ets nëjkxëp tpujy ja wyit.

Levitico 11:25

Pën tääpë jëyujk'ooky tyoompy, ëxëëk wyë'ëmëty, kopkpëky ko yë wyit tpujëty yajxon ets ëxëëk wyë'ëmëty jëtu'un kootspaat.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Números 19:7

Ko ënäty jëtu'un të tuunta'ay tääts ja wyit tpujëty ets tsyi'iwëty xyëtsëty wa'ats. Täänëm tyëkëty kajpnjoty oy ëxëëk y'ëkwë'ëmëty, tyimkootsëty jëtu'un.

Números 18:23

Yë Leví ja'ayëty yi'iyë patëtëp jap tyuntëty ma wit tëjkën ma näpyaatë y'ityën mëët yë Tios. Yë'ë nëjkx kë'ëm tpoky'atë ko tii tka'oytyuntëty. Ya'atë ënä'ämën xëmëkyëjxm y'itëty ets u'unk ok nëjkx xypyatuntë. Yë Leví ja'ayëty ka'ap nëjkx tmëët'atë kyë'ëm naax kyë'ëmkamëty.

Números 19:8

E ja ja'ay mëti'ipë ënäty ja tsajpkaato'oxy të tnino'okyën, nëjkxëp ja wyit tpujy ets tsyi'iwëty, mëët ja nëë mëti'ipë winë yajtukkënu'kxpën ets ëxëëk nëjkx wyi'imy tsuupaat Tios wintum.

Números 19:10

Pën ja kuyjaam ënäty të tyajmuky nëjkxëp ja wyit tpujy ets ëxëëk wyë'ëmëty tyimkutsu'ujëty jëtu'un. Ya'atë ënä'ämën kë'ëyxyëëw kë'ëyjyëmëjt y'itëty ma miitsëtyën ets ma jaaypyaat jaaypyo'kxëtyën, mëti'ipë yajpatëp ma miitsëtyën.