Números 19:2 - Biblia Mixe de Quetzaltepec

² Ëjts mëti'ipë Wintsën'ajtpën, ya'atë ënä'ämënës yam nyäjkpy: Ënëëmë yë Israel ja'ayëty ets tu'uk tmëmintëty yë tsajpkaato'oxy mëti'ipë natsapts yë y'ujkën, mëti'ipë oy mëkën ets ka'ap yajtukuwëënyëm tyuunpäjn.

Números 19:2 ပူးပေါင်းရင်းမြစ်များ

Éxodo 12:5

Ja jëyujk mëti'ipë nëjkx xyaj'ooktën, yë'ë mëti'ipë ënäty ja jyëmëjt tu'uk të t'apetyën, yä'äypyë ets oypyë mëkpë; oy yë'ë'atëty yë kupixyny ëkë tsajppax.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënäty ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënäty jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Lamentaciones 1:14

Tëës yë Wintsën yë nnëë mpoky xy'ijxë; yë'ëjës të xytyukjëëtsëmë'ëky, tä yë tsajpkaa yajtukutsumyën yë kyepy; ënu'kxëpës. Tëës Wintsën xykyë'ëyäky ma ja'ayën mëti'ipës ka'ap nmëmëta'aka'anyën.

Levitico 1:10

Pën Tios mtukwintsë'këtyëp yë kupixyny ëkë ja tsajppax, yë'ë myaktëp yë yä'äypyë

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Levitico 14:6

Ënät tmatsëty ja joon mëti'ipë juukyën ets tkajpë'ëkëty ja ajë kepy ets tpëjkë'ëkëty ja tsaptswit ets ja hisopo ujts ets nëjkx tukpatijta'ay ja nye'pny ja joon mëti'ipë ënäty të y'ookyën.

Números 19:1

Ënät ja Tios ojts tmëkäjpxy ja Moisés ets ja Aarón, tä t'ënëmaay:

Números 19:6

Tääts ënät ok ja teety t'ixëty tu'uk ja ajë kepy ets tu'kxe'enty yë hisopo ujts ets tu'kwitsy yë tsaptswit ets tu'kë'ëyë tjëënkupëjkta'ajëty jap ma tsajpkaato'oxy nyitoyën.

Números 31:21

Ënät ja teety Eleazar ojts t'ënëëmë ja tsiptuunpëtëjkëty, mëti'ipë ënäty jam tsipjëjp'am të yajpaatën: Ya'atë ënä'ämën yë'ë yë Wintsën të tuk'ëne'emy yë Moisés:

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

Deuteronomio 21:3

Ënät tu'uk ja tsajpkaa ayääkë t'ëxta'atëty mëti'ipë ka'ap tyunyëmën, mëti'ipë ka'ap yë tsajpkaa tyuunpäjn yajtukuwëënyëmën,

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

1 Pedro 2:22

Nitii poky ja Kristë tkatuuntëkooy ets ka'ap ojts ni pën twin'ëëny.

Apocalipsis 1:5

ets näjyëtu'un ja Wintsën Jesukristë, mëti'ipë ja Tios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

1 Samuel 6:7

Paaty nëjkx oytyuntë tu'uk yë kepy wintëkäämpë jemypyë ets xy'ixta'atëty nimäjtsk yë tsajpkaa mëti'ipë jam yë y'u'unkën ka'apë nijëna'a yu'uynyëmën, yë'ëts mtukmëtsumëtëp yë kepy wintëkäämpë, je'eyëp tëy ko këtii ja y'u'unk xytyukpanëjkxtëty, jam ja ëpëky xyajwë'ëmtëty kemjyotm.