Números 19:19 - Biblia Mixe de Quetzaltepec

¹⁹ Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Números 19:19 ပူးပေါင်းရင်းမြစ်များ

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Números 19:12

Kom tëkëëk xëëw ets kom wëxtujk xëëw nëjkx nyäpyujy nyäjye'etsyë mëët yë kënu'kxynyëë ets wa'ats wyë'ëmëty. Pën ka'ap nyäpyujy nyäjye'etsyë kom tëkëëk xëëw ets kom wëxtujk xëëw, ka'ap nëjkx wa'ats wyi'imy.

Levitico 14:9

Ko wëxtujk xëëw nëjkx yë wyääy tnëkä'pta'ay, nëjkxëp nyäy'awaayjyepyë, nëjkxëp yë wyiinxëwaay tjepy ets tëkokyë yë nyi'u'kxy. Nëjkxëp yë wyit tpujy ets näjyëtu'un tsyi'iwëty xyëtsëty, täänëm wyë'ëmëty wa'ats.

Judas 1:23

Yaj'ëwaatspëtsëmtë ja mëti'ipë jëënjoty yajpatëpën, mmëët'atë ja pa'ëyo'owën ma mmëku'ukëtyën, ets näkyëwent'atëtë ma ja ja'ayëtyën mëti'ipë tëë tyaj'ëxëëkëtën ja wyit tyujkxyëty mëët ja ëxëëk juukyajtën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Números 31:19

E tëkokyë pën të yaja'ay'ookyën ets pën yë o'kpë të tonyën, wë'ëmtë jam kajpnpë'am. Wëxtujk xëëw jam m'itëty. Jëtu'un tä miitsëtyën ets näjyëtu'un ja tsumjyä'äytyëjkëty nëjkxëp ja näyajwatsën tpaatë kom tëkëëk xëëw ets ja kom wëxtujk xëëw.

Génesis 2:2

Kom wëxtujk xëëw yë Tios tyaj'apatëtyääy tu'kë'ëyë jënu'un ënäty të tyajkojyën ets ojts pyo'kxy.

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Números 19:13

Pën tyoompy yë o'kpë ets ka'ap ja wa'atsajtën tpaaty Tios wintum, yë Tios yë wyittëjk yaj'ëxëëktëjkëp, e paaty nëjkxëp yajjo'otsy ja xyëëw ma ja Israel kajpnën, jä'ä ko ka'ap ja kënu'kxynyëë të yajtuknixijkxy.

Números 19:18

Ënät tu'uk yë ja'ay mëti'ipë wa'ats yajpatpën Wintsën wintum. Tpëjkë'ëkëty tu'uk yë hisopo ujts ets tukpapëkëty yë nëë, tääts tuknixijkxëty ja wit tëjk ets ja apëjk atu'unën, tä yë tsim texyën, nëëtu'ts nëëtsiiyën. Ets näjyëtu'un ja ja'ayëty mëti'ipë ënäty jap të yajpaatën, mëti'ipë ja o'kpë të tonyën, wä'än tyë'ëjëty ja o'kpë mëti'ipë pa'am të yaj'ookyën ëkë ja'ay të yaj'ookyën.

Levitico 14:7

Wëxtujk'ok tuknixijkxëty ja ja'ay mëti'ipë ënäty tso'okaanpën ma ja pu'uts pa'am pyikyën y'ixyën ets nikajpxëty, ko wa'ats yajpatnë, ja joon mëti'ipë juukyën nëjkxëp t'ëxmatsy.

Números 31:24

E kom wëxtujk xëëw jää nëjkx yë mwit xypyujtë ets wa'ats mwë'ëmtëty. Täänëm mtëkëtëty kajpnjoty.