Números 19:18 - Biblia Mixe de Quetzaltepec

¹⁸ Ënät tu'uk yë ja'ay mëti'ipë wa'ats yajpatpën Wintsën wintum. Tpëjkë'ëkëty tu'uk yë hisopo ujts ets tukpapëkëty yë nëë, tääts tuknixijkxëty ja wit tëjk ets ja apëjk atu'unën, tä yë tsim texyën, nëëtu'ts nëëtsiiyën. Ets näjyëtu'un ja ja'ayëty mëti'ipë ënäty jap të yajpaatën, mëti'ipë ja o'kpë të tonyën, wä'än tyë'ëjëty ja o'kpë mëti'ipë pa'am të yaj'ookyën ëkë ja'ay të yaj'ookyën.

Números 19:18 ပူးပေါင်းရင်းမြစ်များ

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënäty të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Números 19:9

Ënät wiinkpë ja ja'ay mëti'ipë wa'ats yajpatpën Tios wintum, nëjkx tyajmuky ja jaam mëti'ipë të wyintooykyëtä'äkyën ma ja tsajpkaa të nyitoyën ets jam kajpnpë'am tpëjkta'akëty ma tu'uk itjotmën wa'atspë. Tääpë jaam yë'ë yë Israel ja'ay yajtuntëp, ko ja nëë tyaj'oyëtëty mëti'ipë yajtukkënu'kxpën tii winë. Tëkokyë ya'atë, yë'ë jëtu'un wintsë'kën'ajtp, mëët ko ja tuuntëko'oyën y'ity.

1 Corintios 1:30

Tios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Tios mëët oy nwë'ëmëm, jëtu'unts ja Tios xyjyä'äy'ajtmëty ets najtspëkë n'ijtmëty.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Juan 17:17

Kënu'kx mëët ja tëyajtën ets mijts xytyuk'oy'atëty; jä'ä ko yë m'aaw m'ayuk tëy'ajtën'ajtën yë'ë.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Hebreos 9:19

Ojts ja Moisés ja mayjyä'äy tuk'ëwaanë ja Tios ja y'ënä'ämën; ok ojts tu'uk ja tsapts ukpyë ja kupixyny jëmk tpëjkë'ëky mëët tu'k'ooxy ja ujts apity ets tyajxo'ky ma ja tsajpkaa ne'pynyën ets ma ja tsajppax ne'pynyën xëpinypë mëët ja nëë, ets ojts tuknixijkxy ja noky mëti'ipë myëët'ajtypyën ja ënä'ämën ets ni'ëmukë ja ja'ay näjyëtu'un.

Números 19:17

Ko jëtu'unpë ja ëxëëkajtën pën pyaatëtëty, yë'ë nëjkx wäänë twooky ja kuyjyaam ma ja tsajpkaato'oxy ënäty të wyintooykyëtä'äkyën, mëti'ipë ja nëë poky të yajtukunaxyën. Jap yaj'ako'owëty ma tu'uk yë apëjkënën ma ja nëëwooky yajtukutämëtyën.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënäty ka'ap nijëna'a të tmëtowtën.

Salmos 51:9

Ka'ap mëpaat yë'ë xy'ix nnëë npokyës, po'ta'a tëkokyë yë ntuuntëko'oy nkajpxtëko'oyënës.