Números 19:17 - Biblia Mixe de Quetzaltepec

¹⁷ Ko jëtu'unpë ja ëxëëkajtën pën pyaatëtëty, yë'ë nëjkx wäänë twooky ja kuyjyaam ma ja tsajpkaato'oxy ënäty të wyintooykyëtä'äkyën, mëti'ipë ja nëë poky të yajtukunaxyën. Jap yaj'ako'owëty ma tu'uk yë apëjkënën ma ja nëëwooky yajtukutämëtyën.

Números 19:17 ပူးပေါင်းရင်းမြစ်များ

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.

Juan 7:38

Ets y'atëwëty ijxtëm jap kuja'ay myinyën: Mëti'ipë mëpëjkpën jëtu'un jap y'aawjoty jyotjoy yajpaata'any ijxtëm jeexyë ja komnëë jap myuutyën mëti'ipë yajjuuky'ajtpën.

Cantares 4:15

Mëti'ipë yë pëjykyam nyëëkopk'ajtypyën yë'ë mëti'ipë jam tso'onpën ma Líbano y'itjotmën.

Números 19:9

Ënät wiinkpë ja ja'ay mëti'ipë wa'ats yajpatpën Tios wintum, nëjkx tyajmuky ja jaam mëti'ipë të wyintooykyëtä'äkyën ma ja tsajpkaa të nyitoyën ets jam kajpnpë'am tpëjkta'akëty ma tu'uk itjotmën wa'atspë. Tääpë jaam yë'ë yë Israel ja'ay yajtuntëp, ko ja nëë tyaj'oyëtëty mëti'ipë yajtukkënu'kxpën tii winë. Tëkokyë ya'atë, yë'ë jëtu'un wintsë'kën'ajtp, mëët ko ja tuuntëko'oyën y'ity.

Génesis 26:19

Tëkok yë Isaac yë tyuunpëtëjk, jam ënäty tyaj'ëwa'atstë tu'uk yë nëëjut jam joyjyotm ets ojts ja nëë tpaatë.

Hebreos 9:13

Ja tsajppax ne'pyny, tsajpkaa ne'pyny ets ja tsajpkaato'oxy ayääkë ja nyijaam mëti'ipë të tyooykyëtä'äkyën ma ja wintsë'këntyaknën, tëët yajtukniwëjtë mëti'ipë pokymyëëtëtyen, jä'ä ko myëët'ajtyp ja kutujkën ets yajwa'atsëty.

Números 19:18

Ënät tu'uk yë ja'ay mëti'ipë wa'ats yajpatpën Wintsën wintum. Tpëjkë'ëkëty tu'uk yë hisopo ujts ets tukpapëkëty yë nëë, tääts tuknixijkxëty ja wit tëjk ets ja apëjk atu'unën, tä yë tsim texyën, nëëtu'ts nëëtsiiyën. Ets näjyëtu'un ja ja'ayëty mëti'ipë ënäty jap të yajpaatën, mëti'ipë ja o'kpë të tonyën, wä'än tyë'ëjëty ja o'kpë mëti'ipë pa'am të yaj'ookyën ëkë ja'ay të yaj'ookyën.

Números 31:23

tëkokyë mëti'ipë myëtënaaytyääpyën yë jëën, nëjkxëp xyajtooywya'atstë jap jëënjoty, ok xypyujtëty mëët yë kënu'kxynyëë mëti'ipë winë yajtukkënu'kxpën. E mëti'ipë ka'ap tjëkyepy tyooywya'atsëty, kopkpëky nëjkx mëët yë nëë xypyujtë.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.