Números 19:16 - Biblia Mixe de Quetzaltepec

¹⁶ Ko muum yajpaatëty yë o'kpë, mëti'ipë ja'ay të yaj'ookyën, ëkë pa'am, ëkë oy yë'ëjëty yë o'kpëpajk, ëkë o'kpë jut; ko pën tonëty ëxëëk wyë'ëmëty ets wëxtujk xëëw y'itëty.

Números 19:16 ပူးပေါင်းရင်းမြစ်များ

Mateo 23:27

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Jëtu'un miitsëty ijxtëm ja o'kpëjutën, tëëpë yajjaamnikoyën, nëkëjxypyë y'oytyunyëtyën, je'eyëp ko jap jootjoty aak o'kpëpajk ets ak tok jap.

Números 31:19

E tëkokyë pën të yaja'ay'ookyën ets pën yë o'kpë të tonyën, wë'ëmtë jam kajpnpë'am. Wëxtujk xëëw jam m'itëty. Jëtu'un tä miitsëtyën ets näjyëtu'un ja tsumjyä'äytyëjkëty nëjkxëp ja näyajwatsën tpaatë kom tëkëëk xëëw ets ja kom wëxtujk xëëw.

Lucas 11:44

Miits fariseë ja'ayëty ets näjyëtu'un miits tsajptëkotyëtë yaj'ijxpëjkpë mon tuk myajpaatë, jä'ä ko jëtu'un miitsëty ijxtëm ja o'kpëjutën ka'apë yaj'ixyën ets kutsë'ëkë ko ja'ay tuktäänëty.

Números 19:11

Pën tyoompy yë o'kpë, ëxëëk nëjkx wyi'imy wëxtujk xëëw.

Números 19:15

Näyjyëtu'un yë apëjk atu'unën mëti'ipë kuwa'atsën ëkë mëti'ipë ka'ap oy y'akë'ëyëtyën, ëxëëk nëjkx wyë'ëmtë.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Levitico 21:1

Ënät yë Tios ojts tmëkäjpxy yë Moisés ets t'ënëmaay: Mëëtmëtya'ak yë teetytyëjkëty, yë Aarón y'u'unk y'ok ets xy'ënëëmëty, ko këtii mëpaat nyätyukyaj'ëxëëkëtë, ko yë o'kpë toontëpëty, oy ënäty tjajëëky'at tjamëku'uk'atë mëti'ipë të y'ookyën.

Números 5:2

Ënëëmë yë Israel ja'ayëty ets tyajpëtsëmtëty yë ja'ayëty mëti'ipë ëxëëk yajpatëpën ma ja nyaax kyajpnëtyën. Tä ja'ayëtyën mëti'ipë pu'uts pa'am pëjkëtëpën, mëti'ipë myëjaaw tukjënajkëtëpën ma ye'etyëjk'ajtënëtyën, mëti'ipë të tontën muum yë o'kpë ets jëtu'un ëxëëk wyë'ëmtë.

Números 6:6

Ets ka'ap mëpaat yë o'kpë tmëwinkony jää ma ënäty wa'ats ets kënu'kxy nyäyaj'ityën ma Wintsënën.

Números 9:6

E tam ënäty ja ja'ayëty mëti'ipë ëxëëkëtyën, mëët ko të tontë ja o'kpë ka'ap tjëkyejpy tuntëty ja ëmaayxyëëw; ënät ojts tninëjkxtë ja Moisés ets ja Aarón jä'ä xëëw,

Ezequiel 44:26

Ko jëtu'un tuntëty kopkpëky ko tsyi'iwtëty xyëtstëty ets näpyujën tpaatëty ets t'apo'kxtuktëty wëxtujk xëëw.