Números 19:13 - Biblia Mixe de Quetzaltepec

¹³ Pën tyoompy yë o'kpë ets ka'ap ja wa'atsajtën tpaaty Tios wintum, yë Tios yë wyittëjk yaj'ëxëëktëjkëp, e paaty nëjkxëp yajjo'otsy ja xyëëw ma ja Israel kajpnën, jä'ä ko ka'ap ja kënu'kxynyëë të yajtuknixijkxy.

Números 19:13 ပူးပေါင်းရင်းမြစ်များ

Levitico 15:31

Jëtu'un'äämpy jëtu'un ja ëxëëkajtën jëkäm yajpaatëty ma Israel ja'ayëtyën, këtiipë y'ooktëty, mëët ko ënäty tyaj'ëxëëkëtë ja it naaxwiinyëtë maas ëjts n'ityën.

Levitico 22:3

Jëtu'un xy'ënëëmëty, ko pën ëxëëk yajpaatëty ma yë'ëjëtyën ets xytyukwintsë'këtyës ja ayajk ako'onën kënu'kxypyë, mëti'ipë ja Israel ja'ayëty myooytyëpën ja Wintsën, nëjkxëp yajjëëkexy ma ja tuunk tyajtu'uye'eyën Wintsën wintuuy.

Levitico 7:20

Pën tu'uk yë ja'ay mëti'ipë ëxëëkën tsyu'tsyp ja tsu'utsy mëti'ipë ënäty ja Tios të yajtukwintsë'ëkën mëët ko ja näy'ëëw'oyë näykyajpx'oyë y'ity, kopkpëky ko y'ookëty tyëkoyëty ma ja nyaax kyajpnën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 22:11

Pënjaty ëxëëk ja'ay'ajtëpën, wä'än tjaaktimtyuntë ja ëxëëkpë; mëti'ipë ja ëxëëk winma'any myëët'ajtëpën, wä'än tjaaktimyëët'atë ja y'ëxëëk winma'any; ets mëti'ipë ja oypyë tyuuntëpën, wä'än tjaaktimtyuntë ja oypyë; mëti'ipë ja wa'ats jot wa'ats winma'any myëët'ajtëpën, wä'än wa'ats ja jyot wyinma'any tjaaktimyëët'atë ma Tiosën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Tios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Números 19:20

Pën ja ja'ay mëti'ipë ëxëëkën ka'ap nyäpyujy nyäjye'etsyë, nëjkxëp yajjo'otsy ma ja kyajpnën. Jä'ä ko ja Wintsën ja tyëjk yaj'ëxëëktëjkëyëp. Mëëtkyëjxm ko ja kënu'kxynyëë ka'ap të yajtuknixijkxy, paaty yë'ë ëxëëk yajpaaty.

Números 19:18

Ënät tu'uk yë ja'ay mëti'ipë wa'ats yajpatpën Wintsën wintum. Tpëjkë'ëkëty tu'uk yë hisopo ujts ets tukpapëkëty yë nëë, tääts tuknixijkxëty ja wit tëjk ets ja apëjk atu'unën, tä yë tsim texyën, nëëtu'ts nëëtsiiyën. Ets näjyëtu'un ja ja'ayëty mëti'ipë ënäty jap të yajpaatën, mëti'ipë ja o'kpë të tonyën, wä'än tyë'ëjëty ja o'kpë mëti'ipë pa'am të yaj'ookyën ëkë ja'ay të yaj'ookyën.

Números 19:9

Ënät wiinkpë ja ja'ay mëti'ipë wa'ats yajpatpën Tios wintum, nëjkx tyajmuky ja jaam mëti'ipë të wyintooykyëtä'äkyën ma ja tsajpkaa të nyitoyën ets jam kajpnpë'am tpëjkta'akëty ma tu'uk itjotmën wa'atspë. Tääpë jaam yë'ë yë Israel ja'ay yajtuntëp, ko ja nëë tyaj'oyëtëty mëti'ipë yajtukkënu'kxpën tii winë. Tëkokyë ya'atë, yë'ë jëtu'un wintsë'kën'ajtp, mëët ko ja tuuntëko'oyën y'ity.

Números 15:30

E pën tu'uk yë ja'ay tsoky tyimpokytyuunpë, ëjts jëtu'un xyajjotma'tp, wä'än yë'ëjëty yë Israel ja'ay ëkë wä'än yë'ëjëty yë jaaypyaat jaaypyo'kxy. Tääpë ja'ay nëjkxëp tyimyajjo'otsy ma nyaax kyajpnën.

Números 8:7

Ko ënäty ja kënu'kxynyëë yajtukujaaxtë Wintsën wyintum, ya'atë jëtu'un mëpaat xytyuntë. Mijts, yë'ë mtuknixijkxëp ja kënu'kxynyëë mëti'ipë mëët winë yajtukkënu'kxyën. E ko ënäty jëtu'un të xytyuny tääts yë'ëjëty nyäjyäpëtëty ma tëkokyë nyi'kx kyopkëtyën ets ja wyit näjyëtu'un tpujtëty tjä'ätstëty. Jëtu'un'äämpy wa'ats wyë'ëmtëty.

Levitico 20:3

Ëjts ntëytyunäämpyës ets nyaj'ookäämpyës tääpë ja'ay, mëët ko ënäty të t'ëxëëktuny ja n'ijtaknës ets ko ënäty ja nxëëwës ja wa'atspë të tjaamteeny të tnaaxteeny. Ko ja y'u'unk të tkë'ëyajkpë ma ja wiink tiosën mëti'ipë xyëëwajtypyën Moloc.

Levitico 5:17

Ko yë ja'ay yë Wintsën yë y'ënä'ämën tyiyajtën tkumëtoownaxëty, oy jëtu'un tkamay tkatajy, yë'ë pokymyëëtëmëtën je'eyëm wyë'ëmëty.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Levitico 5:3

Ko pën tonëty yë ëxëëkpë, mëti'ipë yë ja'ay nipëtsëëmëpën, ëkë oy tyimtiijëty mëti'ipë ëxëëkën ets jam tsyoony ma ja'ayën, jä'ä nëjkx wyi'imy ëxëëk.

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

Levitico 7:21

Pën tu'uk yë ja'ay tyoompy mëti'ipë ëxëëkën, wä'än yë'ëjëty mëti'ipë yë ja'ay nyajtsye'ey nyasnajxëpën, ëkë wä'än yë'ëjëty mëti'ipë yë jëyujk nyajtsye'ey nyasnajxëpën, ëkë oytyiijëty mëti'ipë ëxëëkën ets ënät näjyëtu'un tsu'tspëty ja tsu'utsy, mëti'ipë të wyintsë'kën'atyën ma ja näy'ëëw'oyë näykyajpx'oyë y'ityën ets ja Tios jä'ä të yajmo'oy, jëtu'umpë ja ja'ay nëjkxëp ja yajjo'otsy ma ja nyaax kyajpnën.

Números 19:14

Ko pën y'ookëty ma tu'uk yë wit tëjkën, tyaa myiny yë ënä'ämën tii mëpaat yajtunyën: tëkokyë yë ja'ayëty, mëti'ipë ënäty jap yajpatëpën ma ja wit tëjkën ets näjyëtu'un pën jap tëjkëpën, ëxëëk nëjkx wyë'ëmta'atë jam Tios wintum, wëxtujk xëëw ëxëëk yajpaatëty.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Ezequiel 44:26

Ko jëtu'un tuntëty kopkpëky ko tsyi'iwtëty xyëtstëty ets näpyujën tpaatëty ets t'apo'kxtuktëty wëxtujk xëëw.

Éxodo 30:33

Pën muum kë'ëmwinma'any yajkojpy yë on jëtu'unpë tä tyaapë y'ixëtyën, ëkë muum oypyënëty tukuja'axnëtëty; pën ënäty jëtu'un ëtëtspën, kopkpëky ko nëjkx yajjo'otsy ma ja myëkunaax myëkukajpnën.

Levitico 22:4

Nitu'uk yë Aarón yë y'u'unk y'ëna'k mëpaat tkajë'kxy, mëti'ipë yë Tios të yajtukwintsë'ëkën, pën pëjkëp yë pu'uts pa'am, ëkë pën tukjënajkëp yë jyot myëjaaw ma ye'etyëjk'ajtënën. Koonëm tëy ënäty të nyäpyujy të nyäjye'etsyë ets wa'ats yajpaaty. Mëti'ipë yë o'kpë të tonyën, ëkë mëti'ipë të tonyën yë ja'ay mëti'ipë tukjënajkëpën yë jyot myëjaaw ma ye'etyëjk'ajtënën,

Números 9:13

E pën ka'ap tmëjjawë yë ëmaayxyëëw ets ka'ap maa të nyijkxy ets jyanija'ap ko mëpaat tnixëëwtuny ja ëmaayxyëëw, kopkpëky ko nëjkx yajjo'otsy ma myëkunaax myëkukajpnën ets näjyëtu'un pën ka'ap të tyäky ja ayajk ako'onën ma ja Tiosën mëti'ipë paat'ajtëpën ma tnixëëwëtyën, nëjkxëp näjyëtu'un tkumëtoy.