Números 19:11 - Biblia Mixe de Quetzaltepec

¹¹ Pën tyoompy yë o'kpë, ëxëëk nëjkx wyi'imy wëxtujk xëëw.

Números 19:11 ပူးပေါင်းရင်းမြစ်များ

Números 5:2

Ënëëmë yë Israel ja'ayëty ets tyajpëtsëmtëty yë ja'ayëty mëti'ipë ëxëëk yajpatëpën ma ja nyaax kyajpnëtyën. Tä ja'ayëtyën mëti'ipë pu'uts pa'am pëjkëtëpën, mëti'ipë myëjaaw tukjënajkëtëpën ma ye'etyëjk'ajtënëtyën, mëti'ipë të tontën muum yë o'kpë ets jëtu'un ëxëëk wyë'ëmtë.

Números 31:19

E tëkokyë pën të yaja'ay'ookyën ets pën yë o'kpë të tonyën, wë'ëmtë jam kajpnpë'am. Wëxtujk xëëw jam m'itëty. Jëtu'un tä miitsëtyën ets näjyëtu'un ja tsumjyä'äytyëjkëty nëjkxëp ja näyajwatsën tpaatë kom tëkëëk xëëw ets ja kom wëxtujk xëëw.

Levitico 21:1

Ënät yë Tios ojts tmëkäjpxy yë Moisés ets t'ënëmaay: Mëëtmëtya'ak yë teetytyëjkëty, yë Aarón y'u'unk y'ok ets xy'ënëëmëty, ko këtii mëpaat nyätyukyaj'ëxëëkëtë, ko yë o'kpë toontëpëty, oy ënäty tjajëëky'at tjamëku'uk'atë mëti'ipë të y'ookyën.

Números 19:16

Ko muum yajpaatëty yë o'kpë, mëti'ipë ja'ay të yaj'ookyën, ëkë pa'am, ëkë oy yë'ëjëty yë o'kpëpajk, ëkë o'kpë jut; ko pën tonëty ëxëëk wyë'ëmëty ets wëxtujk xëëw y'itëty.

Números 9:10

tëkokyë miitsëty ets näjyëtu'un yë m'u'unk m'ëna'këty, kopkpëky ko xynyixëëwtuntëty yë ëmaayxyëëw maas ëjts xymyëjjawëtëtyën. E ja mëti'ipë ëxëëk yajpatëpën, mëët ko ënäty ja o'kpë të tontë, ëkë mëti'ipë jam muum jëtijtëpën,

Números 9:6

E tam ënäty ja ja'ayëty mëti'ipë ëxëëkëtyën, mëët ko të tontë ja o'kpë ka'ap tjëkyejpy tuntëty ja ëmaayxyëëw; ënät ojts tninëjkxtë ja Moisés ets ja Aarón jä'ä xëëw,

Levitico 21:11

Näyjyëtu'un yë'ë ka'ap mëpaat tyëkë ma ja o'kpë yajpaatyën, oy ënäty yë'ë të jyatimy'o'kpë yë tyaak ëkë tyeety, ka'ap mëpaat jëtu'un ja ëxëëkpë nyätyukpaatyë.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënäty të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Efesios 2:1

Miitsëty jëtu'un ijty m'itë ijxtëm ja o'kpën, jä'ä ko pokyjoty ijty myajpaatë.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Romanos 5:12

Jä'äkyëjxm ko tu'uk ja ja'ay pyokytyuuny paaty ja poky ojts tsyo'ontä'äky yaa naaxwiiny, ets ko ja poky tsyo'ontäky ënät näjyëtu'un tsyo'ontäky ja o'kën; jëtu'un ja o'kën nyaaxkëtäky ma ni'ëmukë ja ja'ayëtyën, jä'ä ko ni'ëmukë pyokytyuuntë.

Hageo 2:13

Ënät ja Hageo käjpxynyajxpë jyaak'ënany: Ets nyajtëëy näjyëtu'un: Mpëjktakmëty tu'uk yë ja'ay, mëti'ipë ëxëëk të wyi'imyën ko yë o'kpë të tony ets näjyëtu'un tonëty oytyiijëty mëti'ipë yam të yajnikäjpxyën: ¿Wä'än jëtää ëxëëk wyë'ëmëty mëti'ipë ënäty tyoomypyënë? Ënät ja teetytyëjkëty y'ëtsoowtë ko jëtu'un.

Lamentaciones 4:14

Jëtu'un nyäpyëjkta'akëtë ko nyaxtë tyëkëtë ka'ap yowë tii t'ixtë; ëxëëk ja jyot wyinma'any yajpaatë, ni pën kyawinkuwa'akëja'anëtë.

Levitico 11:31

Ma ja jëyujkëtyën, tyaapë ëxëëk xytyijtëty. Pën tyoompy jëtu'unpë jëyujk'ooky, kopkpëky ko ëxëëk wyë'ëmëty tu'kxëëwpaaty.

Hechos 21:26

Tääts ja Pablo ojts komjëpom mëët nyijkx ja nimajktaxkpë ja ja'ay ma ja mëjtsajptëjkën ets ja wa'atsajtën tpaata'antë, ets jatëkok ojts nyijkxy komjëpom ets tnikajpxa'any jëna'a kya'pxa'anyën ja wa'atsajtën ets jëna'a ja wintsë'kën këëktu'uk tkë'ëyaktëtyën.

Hechos 21:27

Ko ënäty wëxtujk xëëw kya'pxanë, ënät ja jutiis ja'ayëty mëti'ipë tso'ontëpën Asia ojts t'ijxpaatë ja Pablo ma ja mëjtsajptëjkën ets t'akajpxëtë ja ja'ay. Ni'ëmukë ojts ninëjkxtë ja Pablo ets tmajtstë,

Levitico 5:2

Ko pën tonëty oy tii, mëti'ipë ënäty ëxëëkën, tä yë jëyujk'ookyën mëti'ipë ka'ap wya'atsëtyën. Wä'än yë'ëjëty mëti'ipë aayjoty ujtsjoty juukyajtpën, ëkë mëti'ipë ma jëën ma tëjkën ijtpën, ëkë tä yë tsa'anyën mëti'ipë ëxëëkën. Ko pën yë jëtu'unpë tonëty, ëxëëk nëjkx wyi'imy, oy ënäty të tka'ixy ëkë të tkajawë.

Números 6:6

Ets ka'ap mëpaat yë o'kpë tmëwinkony jää ma ënäty wa'ats ets kënu'kxy nyäyaj'ityën ma Wintsënën.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Levitico 22:4

Nitu'uk yë Aarón yë y'u'unk y'ëna'k mëpaat tkajë'kxy, mëti'ipë yë Tios të yajtukwintsë'ëkën, pën pëjkëp yë pu'uts pa'am, ëkë pën tukjënajkëp yë jyot myëjaaw ma ye'etyëjk'ajtënën. Koonëm tëy ënäty të nyäpyujy të nyäjye'etsyë ets wa'ats yajpaaty. Mëti'ipë yë o'kpë të tonyën, ëkë mëti'ipë të tonyën yë ja'ay mëti'ipë tukjënajkëpën yë jyot myëjaaw ma ye'etyëjk'ajtënën,

Ezequiel 39:12

Jää yë Israel ja'ay tyajnaaxtëjkëtya'atëty wëxtujk po'ojën ets nëjkx ja naax kajpn wa'ats jatëkok wyi'imy.

Ezequiel 44:26

Ko jëtu'un tuntëty kopkpëky ko tsyi'iwtëty xyëtstëty ets näpyujën tpaatëty ets t'apo'kxtuktëty wëxtujk xëëw.