Números 18:9 - Biblia Mixe de Quetzaltepec

⁹ Tëkokyë yë wintsë'kën, mëti'ipë yë Israel ja'ayëty yajktëpën nino'oky, tä yë aaypyajk ujts pajkën, mijts mjä'ä'ajta'atëp ets näjyëtu'un yë wintsë'kën, mëti'ipë yë ja'ayëty nyëë pyoky tyukunajxtëpën ko tii tuuntëkoytyë, tëkokyë ya'atë ayajk ako'onën mëti'ipë tëë yajkënu'kxyën, aak miits nëjkx xyjyä'ä'atë mëët yë m'u'unk m'ëna'k.

Números 18:9 ပူးပေါင်းရင်းမြစ်များ

2 Reyes 12:17

Jä'ä jëmëjt yë Hazael mëti'ipë jam yajkutujkpën Sirië, ojts tkexy yë myaytsyiptuunpë ma nyaaxjotmën yë Gad ets tjä'äpëjky, jam tsyo'ony tääts ojty nyijkxy Jerusalén.

Nehemías 10:36

ets näjyëtu'un winjëmëjt nmënëjkxa'antës ma ja nTios'ajtëmë ja tsyajptëjkën ëëts ja n'u'unk n'ëna'këty mëti'ipë kä'äxkopkëtyën, näjyëtu'un ja njëyujk ntsajpkaajëtyës, nkupixynyëtyës ntsajpaxëtyës ja kyä'äxkopkëty jëtu'un tä jap myinyën kuja'ay ma ja y'ënä'äm tyiy'ajtënën ets nkë'ëmo'onja'antës ja teetytyëjkëty mëti'ipë jap tuuntëpën.

Ezequiel 42:13

Ënätës xy'ënëmaay: Yë tëjk mëti'ipë yajpatëpën anëkëjxmtsow ets ëpa'tkë'ëytsyow wa'ats yë'ëjëty, yë'ë të yajtuknikojëtë yë teetytyëjkëty ets jam tjë'kxtëty tpëktëty ja jë'kxy pëky mëti'ipë ënäty ja Wintsën të yajtukwintsë'ëkën; jam tpëjktakta'atëty ja wintsë'kën wa'atsëtypë mëti'ipë ja'ay yajktëpën nino'oky nixämy ets mëti'ipë tyukunajxtëpën ja nëë poky, jä'ä ko tääpë tëjk wa'ats yë yajpaaty.

Ezequiel 44:29

Jyëkyejpy tjë'kxtëty tpëktëty yë aaypyajk ujtspajk mëti'ipë yë Israel ja'ayëty ëjts xytyukwintsë'këtyëpën ets jyëkyejpy tsu'utstëty yë tsu'utsy mëti'ipë yë Israel ja'ayëty näjyëtu'un yajktëpën ko ja jëyujk tukunaxtë ja nyëë pyokyëty. Näyjyëtu'un tëkokyë mëti'ipë yë Israel ja'ayëty ëjts të xytyukmëyoxtën yë'ë jyä'ä'atëp.

Levitico 10:17

¿Wi'ix ko jam të xykyatsu'utstë ya'atë wintsë'kën mëti'ipë nëë poky yajtuknikëpäjtutpën, ma tu'uk yë naawiinyën wa'atspë? Ya'atë wa'ats yë'ë ets Tios tëë miits mo'ojëtë ets xymyënëjkxtëty yë nyëë pyokyëty yë naax kajpn jam Tios wintum ets ja pokymyä'kxën tpaatëty.

Levitico 14:13

Jam mëpaat tyaj'ooky yë kupixyny ayääkë ma tu'uk yë itën wa'atspë, ma jam y'ooktën yë jëyujkëty mëti'ipë wintsë'kën'ajtëpën, ma ja poky yajtuknikëpäjtu'utyën ets mëti'ipë yajnino'kpën. E ja wintsë'kën mëti'ipë yajyajkpën, ko ënäty tii tëkatsy të yajtuny, yë'ë yë teety jyä'ä'atëp, näjyëtu'un ja wintsë'kën mëti'ipë yajyajkpën, ko ënäty ja poky yajmëëtëty. Jä'ä ko tääpë wintsë'kën wa'ats yë oy.

Levitico 2:10

E ko nyatëkëty, mëti'ipë ënäty ja Tios të yajtukmëyoxyën, ja ayajk ako'onën ja kënu'kxypyë, mëti'ipë të tyoy të jyemyën, yë'ë ja Aarón jyä'ä'atëp ets ja y'u'unk y'ok.

Levitico 22:11

Pën yë teety juy yë tyuunpë të tpaaty, ja tuunpë jyëkyäpëp tjë'kxtëty mëti'ipë wa'atsën. Näyjyëtu'un mëti'ipë ënäty jap të myintën naaxwiinyëtë ma ja teety ja tyëjkën, nän jyëkyäptëp tkaytyëty tjë'kxtëty, mëti'ipë ja teety jyi'kxypyën.

Levitico 22:7

Jäänëm wa'ats wyë'ëmëty ma ënäty ja xëëw të kyëtaknën, täänëm tjëkyäpëty tjë'kxëty, ja mëti'ipë wa'atsën mëti'ipë patëpën tjë'kxëty.

Levitico 4:22

Ko tu'uk yë wintsën pyokytyunëty ets jä'ä tunëty mëti'ipë ka'ap ja ënä'ämën tëyajtën tyajkutukyën, mëti'ipë yë Wyintsën Tios ënäty të tni'ënä'ämën, pokymyëët wyë'ëmëty, oy ënäty tsyokyëty kya'ëtë'ëtsy.

Levitico 4:27

Pën tu'uk yë ëyoopëja'ay pokytyuunp ets ka'ap jëtu'un t'aawëty tjotëty ets pokymyëët wyë'ëmëty, mëët ko ënäty të tuny mëti'ipë ja Wintsën ja y'ënä'ämën tyiyajtën yajkupojkpyën.

Levitico 5:1

Ko pën yajmëkajpxëty mëti'ipë ënäty tii y'ijxyp nyija'apën mëët ko ënäty tii të t'ixy ëkë të tmëtoy ets yë'ë ka'ap tkupëjkpëty. Poky jëtu'un ënäty tyuunpy ets pokymyëët yë'ë wyë'ëmnëty, mëët ko jëtu'un y'ëti'itsy.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Levitico 6:17

Ka'ap mëpaat tyajkë'ëwtë mëët yë tsajpkääky mëti'ipë tsooyën. Yë'ëjës yam nmooytyëp ets patëtëp wäänë tjä'ä'ajtpëtëty mëti'ipës ëjts yajtukmëyojxpën. Yë'ë wa'ats yë mëj këjää, jëtu'un tä yë ayajk ako'onën mëti'ipë yë nëë poky yajtukuyajkpën.

Levitico 6:19

Ënät yë Tios ojts tmëkäjpxy yë Moisés ets t'ënëmaay:

Levitico 6:30

Ja jëyujk mëti'ipë ënäty jap të yajmënëjkxyën ma ja wit tëjkën ma ja näpyaatë y'ityën, ni pën mëpaat tkatsu'utsy, jä'ä ko ya'atë wintsë'kën poky ënäty të yajtukunaxy jam ma ja Tios ja jyëën tyëjkën ets ja nëë poky tmä'kxëty. Tääpë wintsë'kën jëënjoty mëpaat nyitooytyä'äy.

Levitico 7:1

Ja wintsë'kën mëti'ipë yajtukuyajkpën ja nëë poky, yë'ë tu'uk yë wintsë'kën janty wa'atspë. Yaa yajnikäjpxy wi'ix mëpaat yajtunyën.

Levitico 7:6

Tëkokyë yë teetytyëjkëty jyëkyäpëp tsu'utstëty tääpë tsu'utsy, jam mëpaat tsu'utstë ma tu'uk ja itjotmën wa'atspë, jä'ä ko tääpë wa'ats yë'ë.

Levitico 7:7

Ja nyiwintsë'kën ko pën tyuuntëkoy, näjyëtu'un tä ja nyiwintsë'kënën ko pën pyokytyuny ets ja nyitëyajtën tu'knax. Ja jëyujk mëti'ipë ënäty të wyintsë'kën'atyën, yë'ë ja teety jyä'ä'atëp mëti'ipë ënäty të tyunyën ma ja wintsë'kën yajyäkyën ko ja pokymyä'kxën yaj'amëtoy.

Números 18:10

Tëkokyë ye'etyëjktëjk mëti'ipë yajpatëpën ma miitsëtyën, jyëkyäptëp tjë'kxtëty ya'atë ayajk ako'onën, jä'ä tëy, jam mëpaat tsu'utstë ma tu'uk yë itjotmën mëti'ipë kënu'kxyën ets yë'ë Wintsën jyä'ä'ajtyp, jä'ä ko ya'atë tsu'utsy ëmaay yë oy.

Deuteronomio 18:1

Yë Leví ja'ayëty mëti'ipë teety'ajtëpën, yë'ë yaj'antijtëp tëkokyë yë Leví ja'ayëty, ka'ap nëjkx yë nyaax kyam tmëët'atë, tä yë wiinkëtypë Israel ja'ayëtyën. Yë'ë nëjkx nyätyuk'ixëtë mëti'ipë ënäty ja ja'ay myëmiintëpën ets ja Wintsën jä'ä tukwintsë'ëkëtë.